ვარჯიშები, რომლებსაც არ უნდა აკეთებდნენ ქალები ძალისმიერი ვარჯიშისას.

ქალების უმრავლესობას არ უნდათ დიდი კუნთები, მათ უფრო ფორმების დახვეწა და რელიეფი იზიდავთ. ამის მიღწევაში ვერ დაგეხმარებათ შემდეგი ვარჯიშები:

1. პრესის ტრენაჟორი. პრესის ტრენაჟორი, ისევე როგორც მუცლის პრესის ვარჯიში სიმძიმეებით, ქალების შემთხვევაში არ იძლევა ისეთივე შედეგს, როგორც მამაკაცებში. პრესის ასეთი ვარჯიში ზრდის წელის გარშემოწერილობას.  ქალებმა აუცილებელია დაწვან კანქვეშა ცხიმი მუცლის არეში და პრესზე ვარჯიშისას არ უნდა გამოიყენონ სიმძიმეები.

2. გვერდზე გადახრები განტელებით და გვერდითი ექსტენზიები ტრენაჟორზე. ამ ვარჯიშებს იყენებენ გვერდების მოსაშორებლად, თუმცა სინამდვილეში ეს ვარჯიშები მხოლოდ წელის გარშემოწერილობას ზრდის. თუ გინდათ გვერდების მოშორება გამოასწორეთ კვება, გააკეთეთ გვერდითი პრესები, გვერდითი პლანკა და აერობული ვარჯიშები.

3. განტელებით შრაგები. მხრების აჩეჩვა განტელებით ანვითარებს ტრაპეციულ კუნთებს, რაც მნიშვნელოვანია მამაკაცისთვის და არანაირად არ მოუხდებათ ქალებს.

4. ფეხების გაშლა ტრენაჟორზე. ამ ტრენაჟორზე კვადრიცეპსის დასატვირთად საჭიროა დიდი წონები. ვინაიდან ქალების მყესები მუხლის არეში სუსტია, ეს ტრენაჟორი მათ არ გამოადგებათ.

5. ვერტიკალური ბლოკის ჩამოტანა თავს უკან. ზედა ზურგის ვარჯიშია, მაგრამ თუ არ გაქვთ მხრის სახსარი კარგი გაწელილი, ამ ვარჯიშის მნიშვნელოვანი წონით შესრულებით ადვილად შეიძლება დაიზიანოთ მხარი.

6. შტანგის ჩამოტანა თავს უკან. მისი შესრულებისას მხრებისთვის უხერხული მოძრაობა კეთდება. ქალის მხარი გაცილებით სუსტია და აქაც დიდი შანსია მხრის ტრავმის მიღების.

7. კარდიო – ტრენაჟორები. აერობული ვარჯიში აუცილებელია ქალებისათვის, მაგრამ საკმარისია 40-50 წთ. ვარჯიში კვირაში 3-ჯერ.