კვება ვარჯიშამდე მასის მოსამატებლად.

მასის მოსამატებლად ვარჯიშამდე კვებამ უნდა მოგცეთ ენერგია, შეამციროს კუნთის დაშლა და ხელი შეუწყოს ვარჯიშს.

🕒 როდის უნდა ჭამოთ.

👉 არ არის რეკომენდირებული მშიერ კუჭზე ვარჯიში. ასევე დისკომფორტს შეგიქმნით სავსე კუჭით ვარჯიში.

ვარჯიშამდე საკვები მიიღეთ 2–3 საათით ადრე.

რა უნდა მივიღოთ ვარჯიშამდე.

👉 საკვები უნდა შედგებოდეს 40% ცილისგან, რომელიც ანაბოლიზმისთვისაა აუცილებელი. 60 %-მდე ნელი ნახშირწყლებისგან, რათა შეავსოთ გლიკოგენი, რომელიც დაგჭირდებათ ვარჯიშზე.

👉 ცხიმი არ უნდა იყოს 3-5 გრ-ზე მეტი, რადგან ანელებს სხვა ნივთიერებების შეთვისებას. ცხიმიანი საკვები დიდხანს რჩება კუჭში და ვარჯიშის დროს შეგიქმნით დისკომფორტს.

✅ ცილა + ნელი ნახშირწყლები + ცოტა ცხიმი

მაგ: ბრინჯი + ქათამი + ბოსტნეული; შვრიის ფაფა + კვერცხი + ბანანი; მაკარონი უხეშად დაფქვილი ხორბლიდან + თევზი ან ქათამი; წიწიბურა + იოგურტი ან ხაჭო.

მიღებული საკვები არ უნდა იყოს ბევრი. ვარჯიშისას არ უნდა გქონდეთ მუცელში სიმძიმის შეგრძნება.

👉 თუ ვარჯიშამდე მხოლოდ 30–60 წუთი გაქვთ:

აირჩიეთ მსუბუქი, ადვილად მოსანელებელი უცხიმო პროდუქტი, სადაც მეტი სწრაფი ნახშირწყლებია და ცოტა ცილა.

მაგ: ბანანი ან 2 ხურმა + 1 ჭიქა იოგურტი; შვრია + 1 პორცია პროტეინი; თეთრი ბრინჯი + თაფლი + კვერცხის ცილა; ხაჭო + ბანანი

✅ დილის ვარჯიშები.

👉 როცა ვარჯიშობთ უზმოზე, აუცილებლად მიიღეთ 20-30 გრ. სწრაფი პროტეინი და 5-8 გრამი BCAA. ამას დაამატეთ 10-20 გრ. სწრაფი ნახშირწყალები გამძლეობისთვის. ასევე გამოდგება გეინერი + BCAA.

მაგ: ბანანი + ვეი პროტეინი ან იოგურტი + შვრია.

ჩვეულებრივი საკვების ათვისებას მეტი დრო დასჭირდება. ვარჯიშს უნდა მოყვეს სრულფასოვანი ცილოვან – ნახშირწყლოვანი საუზმე.

✅ დამატებითი რჩევები:

დალიეთ 300–500 მლ წყალი ვარჯიშამდე და ვარჯიშის დროს.

📛 ავტორი: ირაკლი კენჭოშვილი / Tidanigym.ge

ნებართვის გარეშე კოპირება აკრძალულია.

✅ წყაროს მითითებით გაზიარება მისაღებია