როგორ ვივარჯიშოთ ძალის მომატებაზე. ძირითადი პრინციპები.
ძალის მომატების პირველი პრინციპი: ძალის ზრდა დამოკიდებულია მაქსიმალურად მძიმე წონის აწევაზე.
რაც უფრო მეტ წონას დაძლევთ, მით მეტია თქვენი ძალა. დავუშვათ ვარჯიშების დაწყებამდე თქვენი მაქსიმუმი წოლჭიმში იყო 50 კგ. ერთი თვის შემდეგ ეს შედეგი უნდა გააუმჯობესოთ 5-10 კგ-ით. თუ ერთი თვის შემდეგ აწევთ 60 კგ-ს ე. ი. თქვენ ძალა მოგემატათ.
მეორე პრინციპი: სწორად შეარჩიეთ წონა და გამეორებების რაოდენობა.
თუ გინდათ ძალის მომატება, მაშინ აიღეთ ისეთი წონა, რომ შეძლოთ აწიოთ მაქსიმუმ 6-ჯერ. მნიშვნელოვანია კიდევ ერთი მომენტი: ძალაზე მუშაობისას კუნთი არ უნდა მიიყვანოთ გათიშვამდე, როგორც ეს მასაზეა. ანუ აკეთებთ მაქს. 6 გამეორებას, თუმცა შეგიძლიათ კიდევ ერთის გაკეთება. კუნთის გათიშვა კარგია მასაზე მუშაობისას, მაგრამ ძალას არ უმატებს პირიქით, ხელს უშლის ძალის მომატებას და მყესების გაძლიერებას.
შეგიძლიათ აიღოთ ორი ვარიანტი:
1. ყოველ კვირას თქვენს მაქსიმალურ წონას დაუმატეთ 2.5 კგ. ამ პრინციპით თქვენი კუნთები თანდათან განვითარდება და გახდება უფრო ძლიერი. მაგრამ ეს პროგრამა იმუშავებს საწყის ეტაპზე, რადგან წონის მომატება თანდათან უფრო გართულდება.
2. თუ ვარჯიშზე ასრულებთ 4 სერიას, პირვ. მისვლაზე აიღეთ ისეთი წონა, რომ შეძლოთ 6-ჯერ აწევა, მაგ. 6*50 კგ. მეორე მისვლაზე გაზარდეთ წონა და შეამცირეთ გამეორება 5*55 კგ. შემდეგ 4*60 კგ. 3*62.5 კგ და 2*65 კგ.
მესამე პრინციპი: შესვენება გამეორებებს შორის.
როდესაც ვარჯიშობთ ძალის მომატებაზე, შესვენება მისვლებს შორის უნდა იყოს 3-დან 5 წთ-მდე. დიდი წონებით ვარჯიშისას იხარჯება დიდი ენერგია ატფ-ის სახით. ატფ-ის აღდგენას კი სჭირდება 3 წთ-ზე მეტი.
მეოთხე პრინციპი: დიდი წონებით ვარჯიში სახიფათოა და არ დაგავიწყდეთ დაზღვევა. დიდი წონებით ვარჯიშისას ტრავმის მიღების შანსი იზრდება, ამიტომ მწვრთნელის დაზღვევის გარეშე არ ივარჯიშოთ.
