ძალის მომატების მეთოდები. 

ეს მეთოდები დაგეხმარებათ წოლჭიმში ძალის მომატებაში, თუმცა შეგიძლიათ გამოიყენოთ სხვა ვარჯიშებისთვისაც.

როდესაც წევთ სიმძიმეს, თქვენი ტვინი რთავს საჭირო რაოდენობის კუნთოვან ბოჭკოებს, არასდროს ტვინი არ რთავს ბოჭკოების 100%-ს, მაშინაც კი, როცა თქვენ წევთ შესაძლებლობების მაქსიმუმს.

რამდენი ბოჭკო დაძაბოს და რამდენი არა, ამას ტვინი წყვეტს სპეციალური რეცეპტორების საშუალებით, რომლებიც არიან კუნთის და მყესების უჯრედებში. მათი ამოცანაა არ მივიღოთ ტრავმა ვარჯიშის დროს. ამ მეთოდებით დამზღვევი რეცეპტორები უნდა ჩაირთოს რაც შეიძლება დიდ წონებზე, ისინი უნდა მივაჩვიოთ დიდ წონებს. ამისათვის იყენებენ 4 მეთოდს.

ნაწილობრივი ჟიმები (დოჟიმები).

წოლჭიმში შტანგა არ ჩამოგვაქვს ბოლომდე. ვზრდით წონას და ვამცირებთ ამპლიტუდას. აუცილებლად ვიყენებთ დაზღვევას, ვმუშაობთ 2-4 გამეორებაში.

ე. წ. სინგლები, ანუ ერთჯერადი გამეორებები.

იღებთ თქვენი მაქსიმუმის 95%-ს და აკეთებთ 4 მისვლას თითო აწევით. წონა და ძალისხმევა არ უნდა იყოს მაქსიმალური.

უარყოფითი ჟიმები.

შტანგაზე აყენებთ მაქსიმუმის 105-110%-ს. შტანგა ჩამოიღეთ ტრენერის დახმარებით, ჩამოიტანეთ მკერდზე ნელა, შემდეგ ტრენერის დახმარებით აწევთ შტანგას. ასე 2-3 მისვლა. ეს მეთოდით გამოიყენეთ 2 კვირაში ერთხელ, ხშირად ასე ვარჯიში ტრავმირებადია.

შტანგის სტატიკური გაჩერება.

ააწყვეთ შტანგა მაქსიმუმის 110-120%-ით, ჩამოიღეთ ტრენერის დახმარებით და დაიჭირეთ გამართული ხელებით 5-10 წამი. შესვენება მისვლებს შორის 5 წუთი.

ამ მეთოდების მიზანია – მიაჩვიონ მყესები და კუნთები დიდ წონებს და მოამზადონ ახალი წონის ასაწევად.

ფეთქებადი ძალის და სისწრაფის გაუმჯობესება. 

ძალის მომატების ერთერთი მეთოდი არის კუნთის სიმძლავრე–სისწრაფის მახასიათებელის გაზრდა. ტვინის საშუალებით უმოკლეს დროში რაც შეიძლება მეტი ბოჭკოების ჩართვა.

ფეთქებადი ძალის გაუმჯობესება. 

სწორედ ფეთქებადი ძალა გამოარჩევს ძალოსნებს ბბ- გან. სისწრაფის გაზრდისათვის ივარჯიშეთ სისწრაფეზე. მაგ. წოლჭიმში აიღეთ შტანგა მაქსიმუმის 40-50% და დაიწყეთ სწრაფად აწევა! გააკეთეთ 3 მისვლა 1-2 წთ. შესვენებით და აწიეთ შტანგა უფროდაუფრო სწრაფად. აქ მთავარია სისწრაფე, თქვენ უნდა აისროლოთ შტანგა. სწორედ ასეთი ვარჯიშით ვარჯიშდება ტვინის უნარი, ჩართოს მეტი ბოჭკოები აწევისას.

სწრაფი ჟიმების გარდა, სისწრაფის გასავითარებლად კარგია პლიომეტრიული აზიდვები. აიღეთ ორი სკამი და დაიწყეთ აზიდვა იატაკიდან. მძლავრად აზიდვით უნდა ახტეთ ხელებით სკამებზე. გამეორება იმდენჯერ, სანამ სისწრაფეს არ დაკარგავთ.

სისწრაფეზე ვარჯიშისას ყურადღება მიაქციეთ არა მარტო სწრაფ აწევას, სწრაფად ჩამოწევასაც. სწრაფი ჩამოწევისას მკერდის კუნთი და მყესები მკვეთრად იწელება, რაც ზრდის ტრავმისგან დამზღვევი რეცეპტორების ბარიერს.