ანტროპომეტრია და პროპორციები მამაკაცებისთვის. იდეალური პროპორციები ბოდიბილდინგში.

ბბ-ში წარმატების მისაღწევად მთავარი არ არის მარტო დიდი კუნთები, უფრო მნიშვნელოვანია სხეულის ლამაზი, სიმეტრიული და პროპორციული აგებულება.

სატრენაჟორო დარბაზში ნახავთ ათლეტებს, რომლებსაც არათანაბრად აქვთ განვითარებული კუნთები. ზოგს სხეულის ზედა ნაწილი აქვს უკეთ განვითარებული ვიდრე ფეხები, ან აქვთ დიდი ხელები და წვრილი მხრები, ზოგს თითქოს ყველაფერი კარგად აქვს განვითარებული და ხელები აქვს სუსტი.

ალბათ გაგიგიათ, რომ ქალის სხეულის პროპორციების იდეალურ თანაფარდობად ითვლება 90-60-90.

რაც შეეხება მამაკაცებს:

გავისა და მკერდის გარშემოწერილობის თანაფარდობა უნდა შეადგენდეს 9/10 ანუ, გავის გარშემოწერილობა თუ არის 90 სმ, მკერდის უნდა იყოს 100 სმ.

კისრის გარშემოწერილობა უნდა იყოს მკერდის 38 %, ანუ თუ მკერდი 100 სმ -ია, კისერი უნდა იყოს 38 სმ.

წინამხარის გარშემოწერილობა უნდა იყოს მკერდის 30 %, თუ მკერდი 100 სმ-ია, წინამხარი უნდა იყოს 30 სმ.

წელის გარშემოწერილობა უნდა იყოს მკერდის 75% ანუ თუ მკერდი 100 სმ -ია, წელი უნდა იყოს 75 სმ.

ბარძაყის გარშემოწერილობა უნდა იყოს გავის 60 %.

წვივის გარშემოწერილობა – დაჭიმული ბიცეპსის ტოლი, ან გავის 40 %, ან ბარძაყის 60 %.

მამაკაცის სწორ პროპორციად ითვლება როცა კისრის, ბიცეპსის და წვივის გარშემოწერილობა ერთნაირია.

სხეულის მასის ინდექსი.

ყველაზე პოპულარული ფორმულა მამაკაცის იდეალური მასის გამოსათვლელად არის:

სხეულის ოპტიმალური წონა = სიმაღლე – 100

არსებობს კიდევ ერთი პარამეტრი, სხეულის მასის ინდექსი, რომელიც გვიჩვენებს არის თუ არა გადახრა წონასა და სიმაღლეს შორის.

გაანგარიშების ფორმულა:  ს.მ.ი. = m / hკვადრატში

სხეულის მასის ინდექსი = მასა(კგ-ში) / სიმაღლე(მეტრებში) კვადრატში.

მაგრამ ეს გაანგარიშება არ გამოადგებათ ბბ-ებს, რადგან მათ კუნთოვანი მასა უფრო განვითარებული აქვთ.