როგორ დავეხმაროთ ცხიმის წვას ღამით, ძილის დროს

ხშირად გაიგებთ ფრაზას: „ცხიმი იწვება ღამით“. მართლაც, ღამით იწვება ცხიმი — თუ დროულად და სწორად იძინებთ. ხარისხიანი ძილი ეხმარება ორგანიზმს ცხიმის წვაში, მაგრამ შედეგი მოდის მაშინ, როცა ძილი, კვება და ვარჯიში ერთად მუშაობს.

➤ რა ხდება ორგანიზმში ძილის დროს?

ძილში ორგანიზმი გადადის აღდგენით რეჟიმში. ამ დროს აქტიურდება რამდენიმე მნიშვნელოვანი ჰორმონი, მათ შორის ზრდის ჰორმონი (GH), რომელიც:

• ხელს უწყობს ლიპოლიზს, ენერგიისთვის ცხიმოვანი მჟავების წვას
• იცავს კუნთოვან ქსოვილს
• მონაწილეობს ქსოვილების აღდგენაში
• აუმჯობესებს ნივთიერებათა ცვლას

ზრდის ჰორმონის ყველაზე მაღალი სეკრეცია ხდება ღრმა ძილის ფაზაში, განსაკუთრებით ღამის პირველ ნახევარში.

🕒 ძილის დრო და ცხიმის წვა

თუ ადამიანი რეგულარულად იძინებს გვიან (12 საათის შემდეგ), ან აქვს არასრულფასოვანი ძილი:

• მცირდება ზრდის ჰორმონის სეკრეცია
• იმატებს გრელინი (შიმშილის ჰორმონი)
• ირღვევა ლეპტინის ბალანსი (დანაყრების ჰორმონი)

👉 შედეგად, იზრდება მადა, ვჭამთ იმაზე მეტს ვიდრე გვინდა და იზრდება ცხიმის დაგროვების რისკი.

🍽️ რა ვჭამოთ საღამოს?

საღამოს კვების მიზანია:

• არ დაირღვეს ძილი
• არ გადაიტვირთოს საჭმლის მომნელებელი სისტემა

რეკომენდირებულია:

• ცილოვანი პროდუქტები: თევზი, ხაჭო, მაწონი, კეფირი
• ბოსტნეული (ბოჭკოებით)

❗ ნახშირწყლები საღამოს უნდა იყოს:

• შეზღუდული
• მცირე რაოდენობით
• დაბალი გლიკემიური ინდექსის

📌 ღამით ცხიმის წვის 2 მთავარი წესი

1️⃣    უზრუნველყავით დროული, რეგულარული და ხარისხიანი ძილი
2️⃣    საღამოს კვება იყოს მსუბუქი და დაბალკალორიული

✅ დასკვნა

ცხიმის წვა ღამით არის: სწორი კვების, რეგულარული ვარჯიშის და ხარისხიანი ძილის ერთობლივი შედეგი.

👉 ეფექტური გახდომისთვის ძილი ისეთივე მნიშვნელოვანია, როგორც კვება და ვარჯიში.

📛 ავტორი: ირაკლი კენჭოშვილი / Tidanigym.ge

🚫 ნებართვის გარეშე კოპირება აკრძალულია.

✅ წყაროს მითითებით გაზიარება მისაღებია