როგორ ვაწარმოოთ სავარჯიშო დღიური.

რისთვის არის საჭირო სავარჯიშო დღიური.

სავარჯიშო დღიური გჭირდებათ იმისთვის, რომ თქვენი სავარჯიშო პროგრამა გახდეს უფრო ორგანიზებული. დღიური მოგცემთ საშუალებას დაგეგმოთ მიღწევები, აკონტროლოთ ანთროპომეტრიული მონაცემები და შეადაროთ საწყის მონაცემებს. (ვარჯიშის დაწყებამდე და პერიოდულად გადაიღეთ სურათი შედარებისთვის) ჩაწეროთ სავარჯიშო პროგრამა, შეიტანოთ სავარჯიშო და მაქსიმალური წონები, შეადგინოთ კვების და საკვები დანამატების მიღების განრიგი, ასევე ჩაინიშნოთ თქვენი ფიზიკური მდგომარეობა ვარჯიშამდე, ვარჯიშის დროს და ვარჯიშის მერე (პულსი, წნევა, სუნთქვა).

სავარჯიშო დღიურის მარტივი ტიპიური ფორმა.

მარტის თვის სავარჯიშო პროგრამა.

ორშ. მკერდი, ბიცეპსი.
ოთხშ. ზურგი, ტრიცეპსი.
პარასკ. ფეხები, მხრები.

01.03.15 ორშ.

მკერდი.

1. წოლჭიმი 35*12, 50*10, 60*8, 70*6 კგ*გამეორება

2. წოლჭიმი დახრილზე განტელებით 16*12, 18*10, 20*8

3. განგაშლა. 10*12, 12*12                                                                                                      

4. ორძელი. 3*მაქსიმალური გამეორება. (3 მისვლა)

ბიცეპსი.

1. შტანგის აწევა ბიცეპსით 15*მაქს, 20*12, 20*12, 15*მაქ.

2. განტელების აწევა ბიცეპსით დახრილ სკამზე 9*მაქს. 10*12, 9*მაქს.                                                                                                                                                

3. ცალი ხელით განტელის კონცენტრირებული ამოწევა
9*12, 9*12, 9*12.

იგივე ოთხშაბათისთვის და პარასკევისთვის.

მომდევნო კვირას შეგვაქვს ახალი მონაცემები. მარტის თვის დასაწყისში შეგვიძლია დავგეგმოთ, რომ მომავალ თვეში ჩვენი მაქსიმალური სავარჯიშო წონა წოლჭიმში იქნება 10კგ-ით მეტი, 80კგ. ეს იქნება საორიენტაციო წონა, რისკენაც უნდა ნაბიჯ-ნაბიჯ ვიაროთ.

ვფიქრობ, უკვე გასაგებია დღიურის მნიშვნელობა თქვენი პროგრესისათვის.

გამოჩნდებიან ისეთებიც, ვინც იტყვის, რომ დღიური არ მჭირდება, ყველაფერი ვიცი და ვიმახსოვრებ, დღიურის გარეშეც მშვენიერ ტანზე ვარო. ჩემი გამოცდილებიდან კი გეტყვით, რომ გაცილებით უკეთესი შედეგი აქვთ იმათ, ვინც იყენებს ასეთ დღიურს.