სხეულის აგებულების ტიპები. (ბიჭებისათვის) პირველი ნაწილი

სხეულის აგებულების ტიპები. (ბიჭებისათვის) პირველი ნაწილი

სხეულის აგებულების მიხედვით ადამიანები იყოფიან სამ ტიპად: ეკტომორფი, მეზომორფი და ენდომორფი. ვარჯიში ეფექტური რომ იყოს, უნდა დაადგინოთ, რომელი ტიპის სხეულის აგებულება გაქვთ, რადგან დაუშვებელია სხვადასხვა აგებულების ადამიანებმა ერთნაირად ივარჯიშონ ან კვება ქონდეთ ერთნაირი. ვნახოთ რით განსხვავდებიან ისინი ერთმანეთისგან.

ექტომორფი (ასთენიკი).

ექტომორფები არიან გახდარი აგებულების ბიჭები, მათ აქვთ ვიწრო გულმკერდი, გრძელი გამხდარი კიდურები და შესაბამისად პატარა წონა სიმაღლესთან შედარებით. ცხიმის არარსებობა, კუნთები სუსტად განვითარებული.

ექტომორფის ტიპიური განმასხვავებელი ნიშნებია:

წვრილი ძვლები, კისერი, ვიწრო მხრები.
ბრტყელი მკერდი. გამხდარი დუნდულები.
სიმაღალე 175 სმ-ზე მაღალი. ძნელად იმატებს წონაში.
ადვილად კარგავს კუნთოვან მასას. აქვს სწრაფი მეტაბოლიზმი, სწრაფად წვავს კალორიებს.
ნორმაში აქვს ჰორმონები ტესტოსტერონი/ესტროგენი, მაგრამ აქვს ადრენალინი და კორტიზოლი მაღალი.
შეუძლია ჭამოს ყველაფერი და არ დაუგროვდეს ცხიმი.
აქვს კანქვეშა ცხიმის დაბალი %-ული შემადგენლობა.

მეზომორფი (ნორმოსთენიკი).

მეზომორფები არიან ბბ-თვის გენეტიკურად ყველაზე მეტად დაჯილდოებული ტიპი, მათ აქვთ იდეალური ფიგურა, ფართო გულმკერდი, ძლიერი ხელები და ფეხები, ფართო მხრები, კარგი აგებულების ჩონჩხი, ადვილად იმატებენ კუნთს და ადვილად წვავენ ცხიმს. აქვთ სიმაღლის და წონის იდეალური თანაფარდობა.

მეზომორფის ტიპიური განმასხვავებელი ნიშნებია:

სპორტული, სიმეტრიული აგებულება.
განიერი მხრები და ძლიერი კორპუსი.
საშუალო სიმაღლე 170-175 სმ.
საკმაოდ მსხვილი ძვლები.
გამოკვეთილი კუნთები, ადვილად იმატებს კუნთს.
კარგი ფიზიკური მონაცემები. კარგი მეტაბოლიზმი.
ადვილად წვავს ცხიმს.
აქვს იდეალური ჰორმონალური ფონი, ტესტოსტერონის და ზრდის ჰორმონის მაღალი დონე და ესტროგენის და კორტიზოლის დაბალი დონე.

ენდომორფი (ჰიპერსტენიკი).

ენდომორფები შედარებით დაბალია, მძიმე წონის, მსხვილი ხელებით და ფეხებით. არიან ჩაფსკვნილები და ძლიერი ფეხებით. სხეულის აგებულებაში ჭარბობენ სფეროსებრი ფორმები, ჭარბობს ცხიმი, ადვილად იმატებენ ცხიმს და დიდხანს უნდებიან მის მოცილებას.

აქვთ მრგვალი ტანი და მუცელი. მსხვილი ძვალი.
დაბალი სიმაღლე. დაბალი მეტაბოლზმი.
ბევრი ცხიმი და ამის გამო არ ჩანს კუნთი.
ადვილად იმატებენ კუნთოვან მასას და ასევე ცხიმს.
მალე იღლებიან და არა აქვთ გამძლეობა.
ხშირად უკავდებათ სითხე ორგანიზმში.
აქვთ ესტროგენის, კორტიზოლის და ინსულინის მაღალი დონე. ასევე ტესტოსტერონის დაბალი დონე.

ადამიანების უმეტესობა არ არის წმინდა ეკტომორფი, მეზომორფი ან ენდომორფი, ისინი არიან ამ ტიპაჟებს შორის: ეკტომორფსა და მეზომორფს, ან მეზომორფსა და ენდომორფს შორის. ამიტომ, თუ ვერ ამოიცანით თქვენი თავი ვერც ერთ ტიპაჟში, ე.ი. ხართ ამათ შორის.