რატომ არ იზრდება ბიცეფსი — ძირითადი მიზეზები

ხშირად სპორტსმენებს სხეულის სხვა კუნთები წარმატებით ეზრდებათ, ხოლო ბიცეფსი ერთ ადგილზე ჩერდება. ამის მიზეზი ვარჯიშის ტექნიკასა და დაგეგმვაში დაშვებული შეცდომებია.

1️⃣   ზედმეტად მძიმე წონა და არასწორი ტექნიკა

თუ ბიცეფსით მუშაობისას იყენებთ ძალიან მძიმე შტანგას და მოძრაობას ასრულებთ ტანის, ზურგის ან ინერციის დახმარებით (ე.წ. ჩიტინგი),
➡️ ბიცეფსი კარგავს ძირითად დატვირთვას.

📌 კუნთის ზრდისთვის აუცილებელია:

• მოძრაობის კონტროლი
• სრული ამპლიტუდა
• ბიცეფსის მაქსიმალური ჩართვა

2️⃣   ძალიან მსუბუქი წონა და არასაკმარისი დატვირთვა

მეორე უკიდურესობაა ძალიან პატარა წონით ვარჯიში, რომელიც არ ქმნის საკმარის მექანიკურ დაძაბულებას.

📌 კუნთის ზრდისთვის აუცილებელია:

• 8–12 გამეორების დიაპაზონი
• ბოლო გამეორებები უნდა იყოს რთული შესასრულებელი
• წონების პროგრესია

3️⃣   ერთფეროვანი ვარჯიში და მხოლოდ ერთი ინვენტარის გამოყენება

თუ მუდმივად ვარჯიშობთ მხოლოდ:

• EZ შტანგით
• ტრენაჟორებზე
• სკოტის სკამზე

👉 კუნთი ეჩვევა ერთსა და იმავე სტიმულს და პროგრესი ფერხდება.

📌 ბიცეფსის განვითარებისთვის აუცილებელია ვარჯიშების მრავალფეროვნება:

• სწორი შტანგა ფეხზე დგომში
• განტელები — ფეხზე ან დამჯდარი
• სხვადასხვა მოჭიდება და კუთხე

4️⃣   ბაზისური ვარჯიშების იგნორირება

ბიცეფსის მასის ასაშენებლად პრიორიტეტი უნდა ჰქონდეს ბაზისურ მოძრაობებს, განსაკუთრებით:

• ფეხზე დგომში სწორი შტანგის აწევა
• შესაბამისი წონით (რათა მაქსიმუმ 10–12 გამეორება შეძლოთ)

👉 იზოლირებული ვარჯიშები უფრო ეფექტურია მაშინ, როცა კუნთს უკვე აქვს მოცულობა.

5️⃣   დეჰიდრატაცია და არასაკმარისი აღდგენა

ვარჯიშის დროს წყლის მიღება აუცილებელია, რადგან:

• დეჰიდრატაცია ამცირებს ძალასა და გამძლეობას
• უარესდება კუნთის აღდგენა
• იზრდება ტრავმის რისკი

👉 არსებობს სხვა ფაქტორებიც (კვება, დასვენება, ვარჯიშის სიხშირე), რომლებიც გავლენას ახდენს ბიცეფსის ზრდაზე — ამ თემებს შემდეგ სტატიებში დეტალურად განვიხილავთ.

📛 ავტორი: ირაკლი კენჭოშვილი / Tidanigym.ge

🚫 ნებართვის გარეშე კოპირება აკრძალულია.

✅ წყაროს მითითებით გაზიარება მისაღებია