როგორ ავიცილოთ თავიდან წელის ტკივილი.

ხშირად მიაჩნიათ, რომ ზურგის ტრავმა გამოწვეულია ზედმეტი წონებით ვარჯიშისგან, სინამდვილეში წელის ტკივილი უმეტეს შემთხვევაში გამოწვეულია ადამიანის ყოველდღიური საქმიანობიდან, ზურგის არასწორი მდგომარეობით და სიმძიმეების აწევის ელემენტარული წესების დარღვევის გამო.

ყველაზე საზიანო ხერხემლისთვის არის ჯდომა. ამ დროს ხერხემალი უფრო მეტად იტვირთება, ვიდრე ფეხზე დგომისას. კიდევ უფრო საშიშია, როცა დიდხანს ვზივართ ხერხემლისთვის საზიანო წინ გადახრილ პოზაში. ამ პოზაში ხერხემლის მალების ბოლოები უახლოვდება ერთმანეთს და „ჭყლიტავს“ მალთაშუა დისკებს, მათზე დატვირთვა იზრდება რამოდენიმეჯერ.

რატომ მატულობს ჯდომისას დატვირთვა ხერხემალზე ფეხზე დგომისგან განსხვავებით? როდესაც ჩვენ ვდგევართ, სხეული უჭირავს არა მარტო ხერხემალს, არამედ კუნთებსაც. დატვირთვა ნაწილდება მთელ სხეულზე და ამიტომ ხერხემლიდან იხსნება დაწოლა. როდესაც ადამიანი ზის, კუნთოვანი მასა მოდუნებულია და მთელი სიმძიმე აწვება ხერხემალს. ამიტომ იღებს ხერხემალი ტრავმას დიდხანს ჯდომისგან.

ახლა ვნახოთ %-ად როგორი თანაფარდობაა სხვადასხვა პოზაში მალთაშუა დისკებზე დაწოლასა და ფეხზე მდგომი ადამიანის ხერხემალზე დაწოლას შორის:

თუ თქვენ წევხართ ზურგზე – 25% (ყველაზე მცირე);
თუ წევხართ გვერდზე – 75%;
თუ ფეხზე დგახართ – 100% (ეს ათვლის წერტილია);
თუ დგეხართ ფეხზე და ხართ წინ გადახრილი – 150%; თუ დგეხართ ფეხზე და ხართ წინ გადახრილი ხელში სიმძიმით – 220% ( სახიფათოა ხერხემლისთვის);
თუ ზიხართ – 140% (დატვირთვა მეტია ვიდრე ფეხზე დგომისას);
თუ ზიხართ და ხართ წინ გადახრილი – 185%;
თუ ზიხართ და ხართ წინ გადახრილი ხელში სიმძიმით – 275% (ყველაზე დიდი დატვირთვა ხერხემალზე).

ყველა ზ. ჩ. მდგომარეობიდან შეგვიძლია გავაკეთოთ რამოდენიმე დასკვნა, რომელიც ეხება ვარჯიშებს:

პირველი.

მთავარი ყურადღება მიაქციეთ შტანგის ამოწევებს, განსაკუთრებით დახრილ მდგომარეობაში შტანგის ამოწევას. არასწორი საწყისი მდგომარეობა ძალიან სახიფათოა ხერხემლისთვის. როცა ამრგვალებთ ზურგს, რამოდენიმეჯერ იზრდება დატვირთვა ხერხემალზე.

მეორე.

არავითარ შემთხვევაში არ შეიძლება განტელების აღება დამჯდარი მდგომარეობიდან! ან აიღეთ განტელები და მერე დაჯექით სკამზე, ან თხოვეთ ვინმეს დაგეხმაროთ განტელების აღებასა და დადებაში.

მალთაშუა დისკებს აქვთ თვითკორექციის პოტენციალი. თუ დაიზიანებთ დისკს, ის აღდგება, თუ გამორიცხავთ დისკის დაზიანების გამომწვევ მოქმედებებს.

რჩევები, თუ დიდხანს გიწევთ ერთ ადგილზე ჯდომა:

არ დაჯდეთ ერთ ადგილზე 20 წუთზე მეტ ხანს, ადექით და 10 წმ. მაინც შეისვენეთ.

სანამ ზიხართ შეცვალეთ ფეხის მდგომარეობა, გაწიეთ წინ, უკან, გვერდზე, ახლოს, შორს…

დაჯექით სწორად, მუხლებში 90 გრადუსი. საზურგეს მიეყრდენით ისე, რომ ზურგი იყოს გამართული.