ყველაზე დიდი შეცდომები მკერდის ვარჯიშისას.
საჯდომის აწევა წოლჭიმის დროს.
ალბათ გინახავთ პაუერლიფტერები როგორ წევენ წელს სკამიდან წოლჭიმის შესრულებისას, მაგრამ თქვენ იგივე არ უნდა გააკეთოთ. ძალოსნები ამ ხერხით თავით ქვევით წოლჭიმის იმიტაციას აკეთებენ, ასე მეტი ძალა აქვთ და მოძრაობის ამპლიტუდაც მოკლეა. მაგრამ როცა თქვენი ამოცანა კუნთის გაზრდაა, უმჯობესია გააკეთო წოლჭიმი თავით ქვევით ქვედა მკერდის სავარჯიშოდ. ხოლო თუ გინდათ შუა მკერდის გავარჯიშება, არ აწიოთ საჯდომი სკამიდან, რადგან იზრდება ხერხემალზე დატვირთვა წელის არეში და მიიღოთ ტრავმა. თქვენ შეგიძლიათ ქუსლებით მიაწვეთ იატაკს, რაც შეგმატებთ ძალას, მაგრამ არ აწიოთ სკამიდან საჯდომი და წელი.
გრიფის არასწორად დაშვება.
დახრილ სკამზე წოლჭიმისას შტანგის მდებარეობა იცვლება დახრის კუთხის შესაბამისად. ქვედა დახრის კუთხით წოლჭიმისას შტანგა უნდა დაუშვათ ქვედა მკერდთან და ზედა დახრის კუთხის შემთხვევაში კი ზედა მკერდთან. ასე უსაფრთხოდ აწევთ მძიმე წონას და უკეთ დაამუშავებთ მკერდის ზედა და ქვედა ნაწილს.
ჭიმი განგაშლის დროს.
განგაშლა არის ერთსახსრიანი ვარჯიში, როდესაც ხელი გვაქვს იდაყვში ოდნავ მოხრილი და ვამოძრავებთ მხოლოდ მხრის სახსარში, მაგრამ როცა ვიღებთ მძიმე განტელებს ჩვენი მოძრაობა განგაშლის მაგივრად გადავა ჭიმში, აქ კი უკვე ერთვება იდაყვის სახსარი და მკერდის გარდა ტრიცეპსები და წინა დელტები. ამიტომ ჯობია აიღოთ ისეთი წონის განტელები, რომ არ მოგიწიოთ იდაყვში ხელის მოხრა/გაშლა და სხვა კუნთების ჩართვა.
უხეში შეცდომა, ცერა თითის არასწორი მდებარეობა.
წოლჭიმის დროს ზოგიერთ ბბ-ს (იშვიათად) შტანგაზე ხელის მოჭიდებისას ყველა თითი მოქცეული აქვს ცალ მხარეზე. ახალდამწყები როდესაც ნახავს, რომ ბბ-რი ასე აკეთებს წოლჭიმს ჩათვლის, რომ ეს ვარჯიში ასე უნდა შესრულდეს, რაც ძალიან სამწუხაროა. ხელის ღია მოჭიდებით შტანგის აღების დროს 99%-ის შემთხვევაში ვარჯიში დამთავრდება მშვიდობიანად, მაგრამ არის 1% ალბათობა, რომ მძიმე შტანგა გაუსხლტეს ხელიდან და დაეცეს სპორტსმენს მკერდზე, სახეზე ან ყელზე. ამიტომ წოლჭიმის შესრულებისას ცერა თითით ყოველთვის ჩაკეტეთ „ბოქლომი“, რითაც თავს დაიზღვევთ შტანგის ხელიდან გაუთვალისწინებელი გასხლტომისგან.
ყველა ვარჯიშზე ჰორიზონტალური წოლჭიმის პირველ ვარჯიშად შესრულება.
მასაზე მუშაობისას ყველაზე პოპულარული ვარჯიშია მკერდზე ჰორიზონტალური წოლჭიმი. არა ნაკლებია განტელების ჭიმი ჰორიზონტალურ და დახრილ სკამზე. თუ თქვენ ყოველთვის ჯერ გააკეთებთ ჰორიზონტალურ წოლჭიმს და მერე დახრილ სკამზე წოლჭიმს, თქვენი ზედა მკერდი იქნება ჩამორჩენილი შუა მკერდთან შედარებით, რადგან ყოველთვის გიწევთ ზედა მკერდის დაღლილზე ვარჯიში. ამიტომ უმჯობესია დროთა განმავლობაში დახრილი კუთხით წოლჭიმი აკეთოთ პირველ ვარჯიშად, სანამ გაქვთ მაქსიმალური ძალები და მერე აკეთოთ ჰორიზონტალური წოლჭიმი.