განტვირთვის დღეები გასახდომად, როგორ ჩავატაროთ განტვირთვის დღე.

მკაცრი, ნაკლებეფექტური და სახიფათო დიეტების ნაცვლად უმჯობესია განტვირთვის დღეების მოწყობა. განტვირთვის დღე სასასრგებლოა მათთვისაც, ვისაც აკმაყოფილებს საკუთარი წონა. განტვირთვა დაეხმარება ორგანიზმს დასვენებაში და გაწმენდაში.

განტვირთვის დღეების მოწყობა სასურველია პერიოდულად ან აუცილებლობის შემთხევეში, მაგ. დღესასწაულების შემდეგ. უმჯობესია განტვირთვის მოწყობა, როცა განწყობილი ხართ ამისთვის. კარგი განწყობა ნახევარი წარმატების ტოლფასია.

მიზანშეწონილია კვირაში არაუმეტეს 1 განტვირთვისა. ნებისმიერი განტვირთვის დროს შემცირებულია კალორაჟი და შეზღუდულია სხვადასხა პროდუქტი.

განსაკუთრებით პოპულარული განტვირთვებია:

ხაჭოს განტვირთვა
600 გ ხაჭო + 2 ჭიქა რძე და დაბალი ცხიმოვნების არაჟანი 60-დან 100 გრ-მდე. აღნიშნული პროდუქტი უნდა განაწილდეს 5-ჯერად კვებაზე და დღის განმავლობაში უნდა მიიღოთ ბევრი სითხე.

კეფირის განტვირთვა
2 ლიტრ კეფირამდე დღის განმავლობაში და + სითხე. შეიძლება ითქვას ერთ-ერთი უმკაცრესი გატვირთვაა.

ვაშლის განტვირთვა
2 კგ. ვაშლი კანიანად მთელი დღის განმავლობაში + დღის ბოლოს მაწონი და დღის განმავლობაში სითხე.

კიტრის განტვირთვა
1,5 კგ. კიტრი + კეფირი + 1ლ. ნაბეღლავი. არა მარილი.

ხილს + ბოსტნეულის განტვირთვა
2კგ. სხვადსხვა სახის ხილი და ბოსტნეული. ნებისმიერი ხილი, მწვანილი და ბოსტნეული.

ბოსტნეულის სუფის განტვირთვა
უხორცოდ მომზადებული ბორში 2კგ ბოსტნეულისგან, ბევრი მწვანილით და ნიახურით, + 1 სუფრის კოვზი ზეითუნის ზეთი, მიირთმევთ 4-ჯერ დღეში.

მოაწყვეთ კვირაში ერთხელ განტვირთვის დღე, ვახშამი არაუგვიანეს 20 საათისა, ივარჯიშეთ და გახდებით.