მიზანშეწონილია თუ არა შარდმდენების გამოყენება გასახდომად?

ბევრი ადამიანი ცდილობს სწრაფი წონის დაკლებას შარდმდენი საშუალებების დახმარებით, თუმცა ეს მეთოდი არ არის ცხიმის წვის გზა და შეიძლება სერიოზულად დააზიანოს ჯანმრთელობა.

➤ შარდმდენები და წონა – რას ვკარგავთ სინამდვილეში?

არსებობს გავრცელებული მითი, თითქოს სხეულის ცხიმის დიდი ნაწილი წყალია. რეალურად, ცხიმოვანი ქსოვილი არ „იწვება“ შარდმდენებით. შარდმდენების მოქმედებისას ორგანიზმი კარგავს მხოლოდ:

• წყალს
• ელექტროლიტებს (ნატრიუმს, კალიუმს)
• გლიკოგენთან დაკავშირებულ სითხეს

ცნობილია, რომ 1 გრამი გლიკოგენი აკავებს დაახლოებით 3–4 გრამ წყალს, ამიტომ ნახშირწყლების შემცირების ან შარდმდენების გამოყენებისას წონა დროებით იკლებს. თუმცა, ცხიმის რაოდენობა უცვლელი რჩება. წყლის მიღებისთანავე სხეული ბალანსს აღადგენს და წონაც უკან ბრუნდება.

➤ რატომ არის შარდმდენებით „გახდომა“ საშიში?

შარდმდენების რეგულარულმა ან უკონტროლო გამოყენებამ შეიძლება გამოიწვიოს:

• გაუწყლოვნება
• ელექტროლიტური დისბალანსი (კალიუმის და ნატრიუმის დაკარგვა)
• გულის რიტმის დარღვევა
• არტერიული წნევის ვარდნა
• სისუსტე, თავბრუსხვევა, თავის ტკივილი
• კუნთების კრუნჩხვები
• მხედველობის დროებითი დაქვეითება

👉 განსაკუთრებით საშიშია კალიუმის დეფიციტი, რადგან კალიუმი აუცილებელია გულის ნორმალური მუშაობისთვის. მძიმე შემთხვევებში დიურეტიკების ბოროტად გამოყენებამ შესაძლოა სიცოცხლისთვის საშიში მდგომარეობაც გამოიწვიოს.

➤ „ბუნებრივი შარდმდენები“ – უსაფრთხოა თუ არა?

ხშირად უსაფრთხოდ მიიჩნევენ „ბუნებრივ შარდმდენებს“, როგორიცაა:

• მწვანე ჩაი
• საზამთრო
• ასკილი
• კომბოსტოს ან ნიახურის ნახარში ლიმონით

👉 მიუხედავად იმისა, რომ ისინი შედარებით რბილად მოქმედებს, მათი მიზანი მაინც სითხის გამოყოფაა და არა ცხიმის წვა. გადაჭარბების შემთხვევაში მათაც შეუძლიათ გამოიწვიონ გაუწყლოვნება და მინერალების დაკარგვა.

➤ სპორტსმენები და შარდმდენები

ბოდიბილდინგში და ფიტნეს-კონკურსების წინ ზოგჯერ გამოიყენება შარდმდენები „გამოშრობის“ მიზნით, თუმცა:

• ეს ხდება მხოლოდ 2–3 დღით
• სამედიცინო კონტროლის ქვეშ
• არ აქვს კავშირი ცხიმის შემცირებასთან
• არის მაღალი რისკის შემცველი პრაქტიკა

👉 ცნობილია არაერთი შემთხვევა, როდესაც დიურეტიკების გადაჭარბებულმა დოზამ სპორტსმენების სიცოცხლე საფრთხის ქვეშ დააყენა.

✅ დასკვნა

შარდმდენები არ არის გასახდომი საშუალება. ისინი მხოლოდ დროებით ამცირებენ სხეულის წონას წყლის ხარჯზე და არ წვავს ცხიმს. ჯანმრთელობის ფასად მიღებული „მსუბუქი ციფრი სასწორზე“ არ ღირს.

👉 წონის რეალური და უსაფრთხო დაკლება შესაძლებელია მხოლოდ:

• სწორი, დაბალანსებული კვებით
• რეგულარული ძალისმიერი და კარდიო ვარჯიშით
• ცხოვრების ჯანსაღი წესით

📛 ავტორი: ირაკლი კენჭოშვილი / Tidanigym.ge

🚫 ნებართვის გარეშე კოპირება აკრძალულია.

✅ წყაროს მითითებით გაზიარება მისაღებია