შეცდომები შტანგის ამოწევისას.

შტანგის ამოწევისას თავიდან აიცილებთ ტრავმებს, თუ ტექნიკურად სწორად შეასრულებთ ამ რთულ ვარჯიშს.

გადავიდეთ შეცდომებზე:

1. შტანგის ამოწევისას ზოგი ატრიალებს მხრებს, რაც საშიშია მხრებისთვის. მხრები უნდა იყოს ჩამოშვებული მთელი მოძრაობის დროს და არ უნდა ატრიალოთ.

2. ზოგი შტანგის იატაკიდან აღებისას, ძალიან დაბლა სწევს საჯდომს. ამის გამო მუხლები მიდის წინ და ამოწევისას შტანგის გრიფი ხვდება ფეხებს, უმჯობესია საჯდომი ოდნავ აწიოთ და წინ გადმოიხაროთ.

3. შტანგის იატაკიდან მოწყვეტისას ამოწევა დაიწყეთ ფეხების იატაკზე მიწოლით. არ შეიძლება შტანგის იატაკიდან მოწყვეტა ზურგით, ასეთი აწევით შეიძლება ზურგის სერიოზული ტრავმა მიიღოთ. ამიტომ ვარჯიში დაიწყეთ ფეხების იატაკზე მიწოლით და როცა შტანგის გრიფი გაუსწორდება მუხლებს ჩართეთ ზურგი.

4. ზოგი შტანგას აწყობს სადგამზე და მერე უშვებს დაბლა, არ დაიწყოთ შტანგის ამოწევა ზევიდან დაშვებით.

5. შეცდომაა ამ ვარჯიშის შესრულება ხელთათმანებით. ხელის მოჭიდება გაცილებით უკეთესია შიშველი ხელებით. ხელთათმანები მხოლოდ ხელს გიშლიან.

6. ფეხების ძალიან განზე დადგმა. ფეხები დადგით ისეთ სიგანეზე, რომ ხელებს არ შეუშალონ ამოწევაში. შტანგას ხელები მოკიდეთ მხრების სიგანეზე, ხოლო ფეხები ხელების შიგნით უნდა იყოს მოქცეული.

7. მუხლის ადრე მოკეცვა შტანგის დაშვებისას. მუხლის მოკეცვა დაიწყეთ როცა გრიფი გაუსწორდება მუხლებს, სხვა შემთხვევაში შტანგას მოირტყავთ მუხლებში.

8. ძალიან ცუდია ამ ვარჯიშის შესრულებისას სარკეში ყურება. სარკისკენ თავის შეტრიალებით კიდევ უფრო მეტ შეცდომას უშვებთ. უმჯობესია ვარჯიში ჩაწეროთ ვიდეოზე და შემდეგ ნახოთ თქვენი შეცდომები.

9. ბევრი ათლეტი ვარჯიშის ბოლოს ძალიან იხრება უკან, რაც ისევე სახიფათოა ხერხემლისთვის, როგორც მოხრილი ზურგით შტანგის ამოწევა.

10. ასევე ცუდია ხერხემლისთვის შტანგის მიწაზე დარტყმა, რადგან ეს დარტყმა გადმოდის ხერხემალზე. საკმარისია შტანგა ოდნავ შეახოთ მიწას.