ჩაჯდომების სუსტი წერტილები.

ჩაჯდომებისას მუშაობენ: ბარძაყის წინა კუნთები კვადრიცეპსები, ბარძაყის შიდა კუნთები, ხერხემლის გამშლელი კუნთები და დუნდულები. როცა ვეღარ ვუმატებთ წონებს ჩაჯდომებში, უნდა ვეძებოთ სუსტი წერტილები სწორედ ამ კუნთებში.

ჩაჯდომებით კარგად ვითარდება კვადრიცეპსები, ამიტომ სუსტი წერტილი აქ არ გვაქვს. გამოდის რომ სუსტი წერტილები უნდა ვეძებოთ დანარჩენ 3 კუნთში.

იმის დასადგენად, თუ რომელი კუნთია სუსტი, უნდა დავაკვირდეთ მომატებულ წონაზე ჩაჯდომების შესრულებისას სად ვუშვებთ ტექნიკურ შეცდომებს.

ძირითადი ტექნიკური შეცდომები ჩაჯდომებისას:

1. ადგომისას მუხლების ერთმანეთთან მიახლოება.

ეს ნიშნავს, რომ სუსტად არის განვითარებული ბარძაყის შიდა კუნთები. რაც უფრო განზეა ფეხები, მით მეტად იტვირთება ეს კუნთი და ადგომისას ათლეტი ცდილობს ერთმანეთს მიუახლოვოს მუხლები, რითაც დატვირთვა გადააქვს ოთხთავა კუნთებზე/კვადრიცეპსებზე.

ეს შეიძლება გამოსწორდეს შემდეგი ვარჯიშებით: ფეხის გვერდზე გადადგმით და სუმოს სტილში ჩაჯდომები. ეს ვარჯიშები ტვირთავს ფეხის შიდა კუნთს.

2. ადგომისას საჯდომის ზევით აწევა.

ადგომისას ფეხები მუხლებში იწყებენ გაშლას, რადგან კვადრიცეპსები ძლიერია, ხოლო დუნდულები ბარძაყის გამშლელი კუნთი სუსტი, ის ჩამორჩება მოქმედებაში და ტანით წინ იხრება ათლეტი, აქედან ადგომა კი ძნელია.

ამის გამოსწორება შესაძლებელია შტანგით ფეხის წინ გადადგმები, ღრმა ჩაჯდომები ქვედა მდგომარეობაში შეყოვნებით, ასევე შტანგით წინ გადახრები.

3. ზურგის მოხრა ადგომისას.

აქ მიზეზი ზურგის სუსტი გამშლელი კუნთებია და რაც უფრო წინ არის ტანი გადახრილი, მით უფრო ძნელია ზურგის გამართულად შენარჩუნება. განსაკუთრებით თუ შტანგა ზევით გვიდევს. რაც უფრო დაბლა გვიდევს შტანგა, მით უფრო ადვილია სწორი ზურგის შენაჩუნება

აქ დაგვეხმარება შტანგის ამოწევა გამართული ფეხებით, შტანგით ზურგზე წინ გადახრები და ჰიპერექსტენზია.

დასკვნა:

თუ გინდათ აკეთოთ ჩაჯდომები სწორად, მარტო ჩაჯდომების კეთება არ არის საკმარისი. უნდა ავარჯიშოთ ყველა რგოლი, რომელიც ჩართულია ამ ვარჯიშში, რადგან ჩვენი ორგანიზმი რთული ბიომექანიკური სისტემაა, რომელიც შედგება სხვადასხვა რგოლებისა და ბერკეტებისაგან.