წრიული ვარჯიში ცხიმის დასაწვავად.

ცხიმის წვისთვის ვარჯიშის ერთერთი მეთოდი წრიული ვარჯიშებია. 

საჩვენებელი სავარჯიშო პროგრამა.

წრიული ვარჯიში გულისხმობს ერთ ვარჯიშზე მთელი სხეულის ვარჯიშს. თითო კუნთზე თითო ვარჯიშია, უპირატესად მრავალსახსარიანი, ბაზისური ვარჯიშები ჯერ დიდ კუნთებზე (ფეხები, ზურგი, მკერდი) და შემდეგ პატარა ჯგუფებზე (მხარი, ბიცეპსი, ტრიცეპსი).

ვინაიდან ვარჯიშის მიზანი ცხიმის წვაა, ვარჯიშებს შორის არ ვისვენებთ. ვარჯიშები სრულდება შესვენების გარეშე. გამეორებები12-20. ეს კეთდება იმისთვის, რომ შენარჩუნებული იყოს გულის მაღალი პულსი, რათა ორგანიზმმა საწვავად გამოიყენოს ცხიმი.

პროგრამა შედგენილია ასეთი პრინციპით: შერჩეულია ბაზისური ვარჯიშები და სრულდება პამპინგის სტილში, რომ კუნთი დაიღალოს, ოღონდ არ უნდა გაითიშოს. ვარჯიშების რაოდენობა უნდა იყოს 6-8. შესვენება შეიძლება წრეებს შორის, ყოველი ახალი წრის დაწყებამდე. მთლიანობაში ტრენინგი უნდა გაგრძელდეს 1 საათს. შესრულების ტემპი შეარჩიეთ ისეთი, რომ პულსი იყოს მაღალი. სხვადასხვა დღეებში ერთიდაიგივე კუნთის ჯგუფებზე კეთდება სხვადასხვა ვარჯიშები სხეულის უკეთესად დასატვირთად.

წარმოგიდგენთ წრიული ვარჯიშის მაგალითს კვირის დღეების მიხედვით. კარგი მომზადების შემთხვევაში ტრენაჟორებზე ვარჯიშები შეგიძლიათ შეცვალოთ სიმძიმეებით. გოგონებს შეუძლიათ გამოტოვონ პატარა კუნთებზე (ხელის) 1-2 ვარჯიში, ვინაიდან სხვა ვარჯიშებში ეს კუნთები ისედაც დატვირთულია.

ორშაბათი. ვარჯიში 1.

ქვედა ბლოკის ამოწევა ან შტანგის ამოწევა 1*12-15
წოლჭიმი ჰორიზონტალურ სკამზე 1*12-15
ფეხებით წოლჭიმი 1*12-15
ფეხების მოკეცვა ტრენაჟორზე 1*12-15
განტელების აწევა თავს ზევით 1*12-15
ხელების მოკეცვა შტანგით 1*12-15
ხელების გაშლა ბლოკზე 1*12-15
პრესები ორძელზე 1*15

ოთხშაბათი. ვარჯიში 2.

ვერტიკალური ბლოკის ჩამოწევა მკერდთან 1*12-15
განტელების ჭიმი დახრილ სკამზე 1*12-15
ჩაჯდომები 1*12-15
შტანგის ამოწევა გამართული ფეხებით 1*12-15
განტელების გვრდზე აქნევები 1*12-15
ხელების მოხრა განტელებით „ჩაქუჩები“ 1*12-15
ორძელზე აზიდვები 1* მაქსიმ.
პრესი 1*მაქს.

პარასკევი. ვარჯიში 3.

ღერძზე აზიდვები 1*მაქს.
შტანგის აწევა მკერდიდან დამჯდარი 1*12-15
ფეხების წინ გაშლა ტრენაჟორზე 1*12-15
ჰიპერექსტენზია 1*12-15
განტელების აქნევები დახრილ მდგომარეობაში 1*12-15
ხელების მონაცვლეობით მოკეცვა განტელებით 1*12-15
ფრანგული ჭიმი 1*12-15
ტანის წამოწევა დახრილ სკამზე 1*მაქს.

და ბოლოს ყველაზე მთავარი:

სწორი კვების რეჟიმის დაცვის გარეშე ვერც ერთი სავარჯიშო პროგრამა ცხიმს ვერ დაწვავს.