როგორ იზრდება კუნთები. (პირველი ნაწილი)

ბოდიბილდინგში არსებობს კუნთის ზრდის ძირითადი პრინციპები. კუნთი იზრდება მაშინ, როცა:

1. მუშაობთ ბაზისური ვარჯიშებით.
2. იკვებებით სრულფასოვნად.
3. გაქვთ სრულფასოვანი დასვენება.

თუმცა ეს ყველაზე ერთნაირად არ მუშაობს, რადგან ძალიან ცოტა ათლეტი ცდილობს ჩაწვდეს კუნთის ზრდის ტექნოლოგიას. სწორედ ამიტომ ზოგი სწრაფად იღებს შედეგს და ზოგიც წლების მანძილზე ვერ ახერხებს შედეგის მიღწევას.

კუნთის ზრდა და ცენტრალური ნერვული სისტემა (ცნს).

ჩვენს კუნთებში ცილის სინთეზის გაშვება ხდება ცნს-ის ბრძანებით. ამისათვის აუცილებელია ვიმოქმედოთ ცნს–ზე. აქ კი მთავარია ორგანიზმის ადაპტირება შეცვლილი პირობების მიმართ. ანუ რაც არ უნდა ინტენსიურად ივარჯიშოთ ერთი და იგივე პროგრამით, ეს არ მოგცემთ ხანგრძლივ შედეგს, რადგან კუნთები ეგუებიან ნებისმიერ დატვირთვებს და საჭიროა პერიოდულად მათი შოკირება ცნს-ზე დარტყმის გზით. თანაც ეს დარტყმა უნდა იყოს ისეთი ძლიერი და ხანგრძლივი, რომ ცნს–მა გასცეს ენერგია კუნთის ზრდისთვის.

ასეთი ზემოქმედება ცნს-ზე ვარჯიშის ინტენსივობის ან სავარჯიშო წონების გაზრდით შეიძლება, სხვადასხვა სავარჯიშო პროგრამების, ხერხების და სპორტული კვების დანამატების გამოყენებით.

დატვირთვების პროგრესიაზე და სხვა მეთოდებზე, რომლებიც მოქმედებენ ცნს-ზე, ჩვენ არაერთხელ გვისაუბრია, ეხლა ვნახოთ როგორ მიდის კუნთების ანაბოლიზმის პროცესები უჯრედში.

რაზეა დამოკიდებული კუნთის მოცულობა? ზრდის ფაქტორი.

კუნთები იზრდება არა ვარჯიშისას, არამედ ვარჯიშის მერე, აღდგენის და სუპერკომპენსაციის დროს.

კუნთის მოცულობა დამოკიდებულია კუნთოვანი ბოჭკოების რაოდენობასა და კვეთაზე. კუნთები შედგება ნელი და სწრაფი ბოჭკოებისაგან. ნელი ბოჭკოები ვერ გახდება სწრაფი ბოჭკოების მოცულობის. ბოჭკოების მოცულობა დამოკიდებულია სარკოპლაზმაზე, რითაც შევსებულია მოცულობა მიოფიბრილებს შორის.

სარკოპლაზმა შედგება გლიკოგენისგან, მარილებისა და ცილისგან. 100 გრ. კუნთი შეიცავს 3-5 გრ. გლიკოგენს, ხოლო 1 გრ. გლიკოგენი აკავებს 2.5 გრ. წყალს. კუნთის უნარი მოიმარაგოს გლიკოგენი, ექვემდებარება ვარჯიშს

კუნთების ზრდის კიდევ ერთი ფაქტორი.

კუნთის ბოჭკოები მოთავსებულია ფასციებში, რომლის დრეკადობაზეც არის დამოკიდებული კუნთის ზრდის პოტენციალი. თუ ეს ფასციები არ არის დრეკადი, მაშინ ეს ფაქტორი შეაფერხებს კუნთის შესაძლო ზრდას. ფასციების დრეკადობა დამოკიდებულია კაპილარების კვეთაზე და მათ რაოდენობაზე.

როცა კუნთი მუშაობს დატვირთვის ქვეშ, მასში სისხლის რაოდენობა იზრდება 16-ჯერ, რაც მოქმედებს კუნთში ნივთიერებათა ცვლის პროცესზე და შედეგად იზრდება კუნთი. კუნთების სისხლით გავსებაზე და ფასციების დრეკადობაზე შესაძლებელია მარტივად ვიმოქმედოთ დიდი მოცულობის ძალისმიერი ვარჯიშით.

ე. ი. კუნთის მოცულობაზე გავლენას ახდენს:

კუნთოვანი ბოჭკოების სისქე.
ბოჭკოების ტიპი – ნელი, სწრაფი.
მათი რაოდენობა.
ფასციების დრეკადობის ხარისხი.
სარკოპლაზმის რაოდენობა.
კაპილარების კვეთა და მათი რაოდენობა.

ამ პარამეტრებზე შეგვიძლია ვიმოქმედოთ ვარჯიშით.
არ დაგვავიწყდეს ასევე შემდეგი ფაქტორები:

ცნს – ცენტრალური ნერვული სისტემა.
კუნთსა და ტვინს შორის კავშირი.
მეტაბოლიზმი – ნივთიერებათა ცვლის აჩქარება.
ჰორმონები –ტესტოსტერონი და ზრდის ჰორმონი.
სახსრების, მყესების და იოგების სიძლიერე.

ამ პარამეტრებზე ზემოქმედებისათვის საკმარისი არ არის რომელიმე პროგრამით ვარჯიში. აუცილებელია პერიოდულად ვცვალოთ ვარჯიშის ტიპები და სტილი.

გაგრძელება იქნება.