სამსონის ძირითადი იზომეტრიული ვარჯიშები.

1. მოხრილი ხელებით დაიჭირეთ ჯაჭვი მკერდის დონეზე. ეცადეთ გაწელოთ ჯაჭვი. იჭიმება ზურგის უგანიერესი კუნთები, უკანა დელტები და ტრიცეპსები.
2. დაიჭირეთ ჯაჭვი თავს უკან, კეფასთან. ტრიცეპსების დაძაბვით შეეცადეთ გაწელოთ ჯაჭვი.
3. ჯაჭვი გიჭირავთ თავს ზევით. შეეცადეთ გაწელოთ ჯაჭვი. მოქმედებაშია ზურგის უგანიერესი კუნთები.
4. ჯაჭვი გიჭირავთ ზურგს უკან. შეეცადეთ გაწელოთ ჯაჭვი ხელების წინ გაწევით. ეს ვარჯიში ანვითარებს მკერდის, მხრების და ტრიცეპსების ძალას.
5. ამოისუნთქეთ და შემოიხვიეთ ჯაჭვი ტანზე. ჩაისუნთქეთ და ზურგის და მკერდის კუნთების დაძაბვით გაწელეთ ჯაჭვი.
6. დაიჭირეთ ჯაჭვის ერთი ბოლო დაბლა გამართული მარცხენა ხელით და გაწელეთ იდაყვში მოხრილი მარჯვენა ხელით. მერე შეცვალეთ ხელები. ეს ვარჯიში ანვითარებს ბიცეპსებს და ტრიცეპსებს.
7. დადექით ორივე ფეხებით ჯაჭვზე და შეეცადეთ ორივე ხელებით გაწელვას ტრაპეციების დაძაბვით.
8. საწყისი მდგომარეობა იგივე რაც მე-7. იდაყვები სხეულთან მიბჯენილი. ბიცეპსებით გაჭიმეთ ჯაჭვი.

ეს მეთოდი საშუალებას გვაძლევს მოვიგონოთ მსგავსი ვარჯიშები სხვა კუნთებზე და სხვა საშუალებებით. შეგვიძლია გამოვიყენოთ თოკი, ჯოხი, კედელი, ხე და ა.შ. თუ არ გვაქვს არც ერთი ეს საშუალება შეგვიძლია ვივარჯიშოთ ყოველგვარი ინვენტარის გარეშე:

1. მოხარეთ ხელები მკერდის დონეზე და მიაწექით ხელისგულებით ერთმანეთს. დაძაბეთ მკერდის და ხელების კუნთები.
2. საწყისი მდგომარეობა იგივე, რაც პირველ ვარჯიშში. ჩაჭიდეთ ხელები თითებით და ჩაკეტეთ კლიტე. შეეცადეთ განზე გაწიოთ ხელები.
3. ვაწვებით კედელს. ამ ვარჯიშში შეიძლება მთელი სხეულის ჩართვა, დაწყებული ფეხებიდან დამთავრებული ხელებით.
4. გავწიოთ კარების ჩარჩო. ვაწვებით ჩარჩოს გვერდებზე მხრების და ხელების დაძაბვით.

იზომეტრიული ვარჯიშების უპირატესობა დინამიურ ვარჯიშებზე არის ძალის მომატება მყესების ხარჯზე და არა სპორტსმენის წონის მომატებით.