ნელი და სწრაფი ბოჭკოების თანაფარდობის ტესტი.

წითელი და თეთრი ბოჭკოების თანაფარდობის ტესტით წინასწარ შეგვიძლია განვსაზღვროთ მომავალი სპორტსმენის შესაძლებლობები ამა თუ იმ სპორტში.

თუ გეცოდინებათ წითელი და თეთრი ბოჭკოების თანაფარდობა, ადვილად შეაფასებთ თქვენს პოტენციალს ბბ-ში და სხვა სპორტის სახეობებში.

რაც მეტია სწრაფი ბოჭკოების წილი თქვენს კუნთებში, მით მეტ შედეგს მიღებთ ბბ-ში, პაუერლიფტინგში, კრივში, სირბილში მოკლე დისტანციებზე და ყველა იმ სპორტის სახეობებში, სადაც საჭიროა ფეთქებადი ძალა.

ხოლო თუ თქვენში ჭარბობს ნელი ბოჭკოები, მაშინ გაცილებით შესაფერისია სპორტის შემდეგი სახეობები: მარათონი, ველოსპორტი, ცურვა და სხვა, ანუ სადაც არის აერობული დატვირთვა.

როგორ ჩავატაროთ ტესტირება.

ტესტისთვის საჭიროა წინასწარ განსაზღვროთ ერთხელ აწევის მაქსიმალური წონა.

მაგ. თუ დაკავებული ხართ ბოდიბილდინგით, მაშინ უნდა დაადგინოთ ხელების, ფეხების და მკერდის ნელი და სწრაფი ბოჭკოების თანაფარდობა. ამისათვის უნდა დაადგინოთ მაქსიმალური წონები სამ ვარჯიშში: წოლჭიმში, ფეხების ჭიმი და შტანგის აწევა ბიცეპსით.

როცა გაიგებთ მაქსიმალურ წონას ყველა ვარჯიშში შეგიძლიათ გადახვიდეთ ტესტის შესრულებაზე:

დაისვენეთ 15 წუთი, აიღეთ მაქსიმალური წონის 80%, შეასრულეთ მაქსიმალური რაოდენობის აწევები.

ჩაატარეთ ტესტი ყველა ვარჯიშისთვის

შედეგების ანალიზი:

თუ შეასრულეთ 7-8 გამეორებაზე ნაკლები, ე.ი. თქვენში ჭარბობს სწრაფი ბოჭკოები.
თუ შეასრულეთ 9 გამეორება, ბოჭკოების თანაბარი რაოდენობა გაქვთ.
თუ აწევთ 10-12 გამეორებას, მაშინ ნელი ბოჭკოები ჭარბობს.

თუ დაადგინეთ, რომ თქვენში ჭარბობს ნელი ბოჭკოები, ვარჯიშის შედეგად მაინც შესაძლებელია ლამაზი სხეულის დაყენება, მაგრამ სამწუხაროდ რაიმე სერიოზული წარმატების მიღწევას ბბ-ში ვერ შეძლებთ.