ინსულინი ბოდიბილდინგში.

ინსულინს გამოყოფს პანკრეასი (კუჭქვეშა ჯირკვალი). ის ანაბოლური ჰორმონია, ხელს უწყობს ცილის სინთეზს და ქსოვილების მშენებლობას. ინსულინი უზრუნველყოფს კუნთის და ძალის ზრდას. ამავე დროს ის სტიმულს აძლევს ცხიმის სინთეზს.

ინსულინს იყენებენ დიაბეტის სამკურნალოდ. მისი მთავარი ფუნქცია არის სისხლში გლუკოზის დონის შემცირება. 

ჩვენი საკვებია ცილები, ცხიმები და ნახშირწყლები. ყველა ნახშირწყალს აქვს თავისი გლიკემიური ინდექსი, რაც უფრო მაღალია გ. ი, მით უფრო მეტად იზრდება შაქრის დონე სისხლში.

შაქრის მომატებასთან ერთად გამოიმუშავდება ინსულინი, რადგან სისხლში შაქრის მაღალი დონე სახიფათოა და ინსულინს გამოაქვს ზედმეტი გლუკოზა სისხლიდან. ის ეხმარება შაქარს სისხლიდან უჯრედის შიგნით მოხვედრაში. როცა ინსულინი საკმარისი არ არის, შაქარი რჩება სისხლში, რაც იწვევს სისხლის შედედებას.

ზედმეტი გლუკოზა ინსულინს მიაქვს ცხიმის ქსოვილებში, სწორედ ამიტომ, როცა ადამიანი მოიხმარს ბევრ ტკბილს მას აქვს ზედმეტი წონა.

როცა ზიან დიეტაზე, თითქმის არაფერს არ ჭამენ დღის განმავლობაში, მაგრამ საღამოს ჭამენ ცოტა ხილს და შოკოლადს. ასეთი კვებით ბევრ კალორიას ვერ მიიღებ, მაგრამ როცა მთელი დღის განმავლობაში არაფერს ჭამ, სისხლში შაქრის დონე დაბალია და როგორც კი მიიღებ მარტივ ნახშირწყლებს შაქრის დონე მკვეთრად გაიზრდება. შესაბამისად ორგანიზმი მკვეთრად გამოყოფს ინსულინს და ინსულინი ამ გლუკოზას გადაიტანს ცხიმის ქსოვილში, სადაც ინახავს მარაგის სახით. უფრო მეტიც, ეს პროცესი ავტომატურად გრძელდება, ინსულინის გამომუშავება მუდმივად გრძელდება. ორგანიზმი ინსულინის მკვეთრ მომატებაზე პასუხობს შესაბამისად, შემდგომი საკვების მიღებაც წავა ცხიმის მარაგში. ამიტომ დიეტოლოგები გვირჩევენ ხშირად ჭამას, 3-4 საათში ერთხელ, ნახშირწყლები მივიღოთ უფრო ნელი ნახშირწყლების სახით და არ მივიღოთ ბევრი ტკბილეულობა.

აქვე შევეხოთ ცილოვან–ნახშირწყლოვან ფანჯარას. ეს არის 40 წთ. პერიოდი ვარჯიშის შემდეგ. ვარჯიშზე ამოწურეთ გლიკოგენის მარაგი ღვიძლში და კუნთებში. ვარჯიშის მერე თუ ჩვენ მივიღებთ ნახშირწყლებს ცილებთან ერთად, ჩვენ სწრაფად აღვადგენთ გლიკოგენის მარაგს ღვიძლში და კუნთებში. ამ დროს ინსულინი გლიკოგენს არ წარმართავს ცხიმის უჯრედში, საკვებიდან მიღებულ ნივთიერებებს და მათ შორის ამინომჟავებს ის გადაიტანს კუნთის უჯრედში. თუ ადამიანმა ნორმალურად არ მიიღო საკვები და არ გამოიძინა (ღამე მიმდინარეობს ძირითადი ჰორმონების გამომუშავება), მისი კუნთები ცარიელია გლიკოგენისგან და ადამიანი სწრაფად იღლება.

(არის მოსაზრება, რომ ვარჯიშის მერე ნახშირწყლების მიღებით ვბლოკავთ ზრდის ჰორმონის მოქმედებას, ნახშირწყლოვანი ფანჯარა კი გრძელდება 12 სთ. და მეტ ხანსაც. ამის საპასუხოდ: ვარჯიშის შედეგად აქტიურად გამოიყოფა სტრესის ჰორმონები ადრენალინი და კორტიზოლი, რომელთა ანტაგონისტია ინსულინი, რომელიც ბლოკავს სტრესის ჰორმონებს. ინსულინისთვის კი საჭიროა შაქრის აწევა სისხლში, ანუ სწრაფი ნახშირწყალი)

ბბ-ში ინსულინს იყენებენ მისი ანაბოლური ეფექტის გამო. ინსულინი ზრდის უჯრედის მემბრანის გამტარობას გლუკოზის შეღწევისთვის, ააქტიურებს გლიკოლიზის ფერმენტებს, სტიმულს აძლევს ღვიძლში და კუნთში გლუკოზიდან გლიკოგენის წარმოქმნას. აძლიერებს ცილის და ცხიმის სინთეზს.

ინსულინი ახშობს გლიკოგენის და ცხიმის დამშლელი ფერმენტების აქტივობას, ანუ ანაბოლური მოქმედების გარდა ინსულინი ფლობს ანტიკატაბოლურ ეფექტსაც.

არის შეხედულება, რომ ინსულინი არის ყველაზე ეფექტური პრეპარატი კუნთის ზრდაში, შემდეგ მოდიან სტეროიდები და ზრდის ჰორმონი. რაც შეეხება მყესებს, ჯერ მოდის ზრდის ჰორმონი, სტეროიდები და მერე ინსულინი.

რატომ არის ინსულინი სტეროიდზე ეფექტური?

ინსულინი არის მთავარი სატრანსპორტო ჰორმონი, ის ამარაგებს უჯრედებს ზრდისთვის საჭირო მკვებავი ნივთიერებებით. ნახშირწყლები არის ენერგიის წყარო, ამინომჟავები კი კუნთის საშენი მასალა. ინსულინს აქვს ანტიკატაბოლური თვისებებიც. ის ეწინააღმდეგება კუნთის უჯრედების დაშლას ვარჯიშზე და ვარჯიშის მერე.

კიდევ ერთი მიზეზი, რატომაც იყენებენ ინსულინს ბბ-ბი. ისინი იღებენ დიდი რაოდენობით საკვებს და მათ შორის სწრაფ ნახშირწყლებს. ამიტომ მათი კუჭქვეშა ჯირკვალი გადატვირთულია და მუდმივად გამოიმუშავებს ინსულინს დიდი დოზებით, რამაც შეიძლება გამოიწვიოს დიაბეტი. ამიტომ თავი რომ დაიცვან დიაბეტისგან ბბ-ები იკეთებენ ინსულინს მცირე დოზებით.

ინსულინის გამოყენება საშიშია, რისგანაც ბევრი ბბ-რია გარდაცვლილი. ისინი ვარდებიან გლიკემიურ კომაში, რაც იწვევს სიკვდილს.