ნეირო-კუნთოვანი / მენტალური კავშირი. (როგორ გავზარდოთ დიდი კუნთები პატარა წონებით)

როდესაც დამწყები პირველად აკეთებს წოლჭიმს შტანგა გარბის აქეთ-იქით, მიზეზი: ცუდი ნეირო–კუნთოვანი კავშირი (ნ–კ.კ.). ნ-კ.კ არის, თუ როგორ მართავს ჩვენი ტვინი კუნთებს. ტვინი იმპულსს მოტონეირონთან აგზავნის, რომელიც მდებარეობს ზურგის ტვინში. მოტონეირონიდან კუნთის ბოჭკოებამდე იმპულსი მოძრაობს აქსიომას გავლით, რომლის დაბოლოებაც განშტოებულია და მისი ყოველი ძაფი პასუხს აგებს კუნთის თითოეულ ბოჭკოზე. 1 მოტონეირონი პასუხს აგებს კუნთის რამოდენიმე ბოჭკოზე.

სხეული ცდილობს სამუშაო შეასრულოს რაც შეიძლება ნაკლები ძალის დახარჯვით. ცარიელი და მძიმე შტანგის ასაწევად საჭიროა სხვადასხვა ძალისხმევა, რაც მეტია ტვინის მიერ მოტონეირონებამდე გაგზავნილი იმპულსების სიხშირე, მით მეტი ბოჭკოები შეგვიძლია ვაკონტროლოთ.

ვარჯიშისას ჩვენში ნ-კ.კ. განვითარება ნიშნავს ტვინის მიერ მეტი მოტონეირონის კონტროლს. რაც უფრო კარგია ეს კავშირი, მით მეტი რაოდენობის ბოჭკოების ჩართვა შეგვიძლია მუშაობაში. მაგ. თქვენ შეგიძლიათ ამოძრავოთ ყურები, თუ კარგად გაქვთ განვითარებული ნ-კ.კ. იგივეა ვარჯიშის დროს კუნთების შემთხვევაში. გაცილებით კარგად აქვს განვითარებული ნ-კ.კ. იმას, ვისაც შეუძლია ცალცალკე ათამაშოს მკერდის კუნთი.

გამოცდილ ათლეტს შეუძლია ავარჯიშოს კუნთები დაბალი წონით. ის შეგნებულად აძალებს საკუთარ თავს შეკუმშოს კუნთის მეტი ბოჭკოები, ანუ შეუძლია მეტი მოტონეირონის ჩართვა მუშაობაში. ამით აიხსნება დამწყებების მნიშვნელოვანი პროგრესი სავარჯიშო წონების გაზრდაში. ისინი უკეთესად გრძნობენ კუნთებს და წევენ გაცილებით მძიმე წონებს კუნთების მნიშვნელოვნად გაზრდის გარეშე. სხეული ცდილობს კუნთების გაზრდის გარეშე ჩართოს რაც შეიძლება მეტი კუნთის ბოჭკოები.

ამიტომაა საჭირო სავარჯიშო პროგრამების ხშირად ცვლა, თან რაც მეტია ათლეტის გამოცდილება, მით უფრო ხშირად. სხეულს არ უნდა მუშაობაში ჩართოს მეტი ბოჭკოები, რამოდენიმე კვირაში ეგუება პროგრამას და ჩერდება კუნთების ზრდა.

როგორ განვავითაროთ ნ–კ.კ.

1. ვარჯიშისას გააკეთეთ კონცენტრაცია კუნთის შეგრძნებაზე, არ გამოეკიდოთ დიდ წონებს, დამატებით დაძაბეთ და იგრძენით ის კუნთები რომელსაც ავარჯიშებთ. სხეული შეეცდება გაიადვილოს მუშაობა, თქვენ კი შეგნებულად ართულებთ მას.

2. შეასრულეთ ვარჯიში გონებრივად. როცა ისვენებთ, ან მგზავრობთ, ასევე ძილის წინ გააკეთეთ მეორე დღეს გასაკეთებელი ვარჯიშების იმიტაცია. თქვენ უნდა აიძულოთ კუნთები შეიკუმშონ და მოდუნდნენ.

3. ამის განვითარებას დასჭირდება დრო. ბევრი კუნთების შეგრძნებას სწავლობს წლების ვარჯიშის შემდეგ.