ტალღური პერიოდიზაცია.

პერიოდიზაციის მოთხოვნილება დგება მაშინ, როცა ვეღარ უმატებთ სავარჯიშო წონებს.

ტალღური პერიოდიზაციისას სავარჯიშო პროცესი მიმდინარეობს ტალღისებურად, ხან მიდიხართ ზევით და აღწევთ სავარჯიშო პიკს, ხან დაბლა ეშვებით.

გარკვეული პერიოდის მანძილზე მუშაობთ ძალაზე, ზრდით წონებს, რის შემდეგაც ამცირებთ წონებს და გამეორებებს ტოვებთ იგივეს. შეგნებულად აკეთებთ ერთი ნაბიჯით უკუსვლას.

გავრცელებულია მოსაზრება, რომ არ შეიძლება სავარჯიშო წონების დაკლება, მუდმივად უნდა ცდილობდე მოუმატო წონებს, მაგრამ ასეთი სწორხაზოვანი სქემა მუშაობს საწყის ეტაპზე – როცა მიაღწევთ პიკს, მოგიწევთ ტალღისებურად მოქმედება. იხევთ ერთი ნაბიჯით უკან, რათა შემდგომში გააკეთოთ ორი ნაბიჯი წინ. ესეთი უკუსვლა აუცილებელია პროგრესისათვის.

როგორ მუშაობს დატვირთვების ციკლირება პრაქტიკაში.

ვთქვათ 2-3 კვირის განმავლობაში აკეთებთ წოლჭიმს 100 კგ-ით 6-ჯერ და ვერც წონას უმატებთ და ვერც გამეორებებს, თქვენ არ გყოფნით არც ძალა და არც გამძლეობა. ე.ი. დადგა მომენტი, როცა უნდა გააკეთოთ ერთი ნაბიჯი უკან.

ჯერ ისვენებთ 1 კვირა. 1 კვირის შემდეგ იღებთ 50 კგ-ს და წევთ 8-10-ჯერ, შეგნებულად არ უმატებთ წონას, რადგან თქვენი ამოცანაა კუნთების და ნერვიული სისტემის დასვენება. შემდეგ ვარჯიშზე იღებთ 15 კგ-ით მეტს, 65 კგ-ს და აკეთებთ 8-10 გამეორებას. ამის მერე უმატებთ ნაკლებს, 10 კგ-ს და ბოლოს გადახვალთ 5-5 კგ-ის მომატებაზე.

თანდათან იგრძნობთ, რომ საჭიროა შეამციროთ გამეორებები – ეს იქნება ნაცნობ მაქსიმალურ წონამდე 100*6, რა დროისთვისაც წონების მომატება იქნება 5 კგ-ზე ნაკლები, 2.5 კგ. თქვენ დაინახავთ, რომ შეგიძლიათ დაძლიოთ 102,5 კგ. 6-ჯერ, შემდეგ 105 კგ. 6-ჯერ და შეიძლება მეტიც.

1. კვირა 50 კგ. * 10.
2. კვირა 65 კგ. * 10.
3. კვირა 75 კგ. * 10.
4. კვირა 85 კგ. * 10.
5. კვირა 90 კგ. * 10.
6. კვირა 95 კგ. * 8.
7. კვირა 100 კგ. * 8.
8. კვირა 102.5 კგ. * 8.
9. კვირა 105 კგ. * 6.
10. კვირა 107.5 კგ. * 6.
11. კვირა 110 კგ. * 6.
12. კვირა 112.5 კგ. * 6.
13. კვირა 115 კგ. * 6.

არ გადაუხვიოთ გეგმიდან, რადგან როგორც კი ამ გეგმიდან გადაუხვევთ, პროგრესი შეჩერდება. რაც უფრო ნაკლებ წონებს გამოიყენებთ მომატებისას, მით უფრო შორს წავა მაქსიმალური წონების პროგრესი.