კუჭში პროდუქტების გადამუშავების დრო.

ჯანმრთელები რომ ვიყოთ მნიშვნელოვანია ვიცოდეთ და გავითვალისწინოთ კუჭში პროდუქტების გადამუშავების დრო. ადამიანები არ ითვალისწინებენ პროდუქტების გადამუშავების დროს, ატარებენ კილოობით ლპობად პროდუქტს, რის გამოც ჩნდება უამრავი ავადმყოფობა და მცირდება სიცოცხლის ხანგრძლივობა.

საკვების კარგი მონელებისათვის უნდა გაითვალისწინოთ შემდეგი რჩევები:

დაუშვებელია ერთდროულად მივიღოთ ისეთი საკვები, რომელთაც აქვთ სხვადასხვა გადამუშავების დრო – ამით თქვენ ზედმეტად ტვირთავთ კუჭს. მაგ. ღორის ხორცის და კარტოფილის ერთდროულად მიღებით კუჭი მის გადამუშავებას მოუნდება 5-6 სთ, მაშინ როცა მარტო კარტოფილს 1 სთ. გადაამუშავებდა.

ოპტიმალურია ისეთი პროდუქტების შერევა, რომელთა გადამუშავების დრო ერთნაირია. მაგ. ბოსტნეული და ხილი. პროდუქტების ასეთი შერევა ოდნავ ახანგრძლივებს კუჭში გადამუშავების დროს, რაც ფერმენტების შერჩევაზე იხარჯება, თუმცა უფრო დაზოგავს კუჭს სხვა მრავალფეროვანი საკვების მიღებისგან განსხვავებით.

სალათებში ზეთის დამატება 2-3-ჯერ ახანგრძლივებს მათ გადამუშავებას კუჭის წვენით და ფერმენტებით.

არ შეიძლება სითხის (წყალი, ჩაი, კოკა-კოლა და ა.შ.) მიღება, თუ კუჭში ჯერ კიდევ არის გადაუმუშავებელი საკვები – ამით ანეიტრალებთ კუჭის წვენს, ართულებთ საჭმლის მონელებას და ზედმეტად ტვირთავთ კუჭ-ნაწლავის სისტემას. ამას გარდა, სითხესთან ერთად ნაწლავებში ხვდება გადაუმუშავებელი საკვები, რომელიც იწყებს ლპობას და ნაწლავების დაბინძურებას.

თუ სვავთ წყალს ცარიელ კუჭზე, ის პირდაპირ ხვდება ნაწლავებში.

კარგად დაღეჭილი საჭმელი უფრო ადვილად გადამუშავდება კუჭში, რადგან პირის ღრუშივე მუშავდება ფერმენტებით.

ცილოვანი საკვები გამოიყენეთ მხოლოდ თბილ მდგომარეობაში, თბილი ცილოვანი საკვები კუჭში გადამუშავდება 2-3 სთ-ში. მხოლოდ ამის მერე გადადის წვრილ ნაწლავში, სადაც გრძელდება საკვებიდან მიღებული სასარგებლო ნივთიერებების დაშლა.

ცივი საკვები კუჭში სწრაფად გადამუშავდება, ამიტომ ცილები ვერ ასწრებენ ნორმალურად გადამუშავებას და ადრე გადადის ნაწლავებში, რის შედეგადაც ბაქტერიები, რომლებიც იმყოფება ხორცის პროდუქტებში იწყებენ გამრავლებას და მოგზაურობას ნაწლავებში, რაც იწვევს კუჭ-ნაწლავში დისკომფორტს, შებერილობას, გაზებს, გაუვალობას და ა.შ.