რატომ არის ცურვა ვარჯიშის ყველაზე არაეფექტური სახეობა კანქვეშა ცხიმის წვისთვის?

რატომ არის ცურვა ვარჯიშის ყველაზე არაეფექტური სახეობა კანქვეშა ცხიმის წვისთვის?

წყლის ტემპერატურა აუზში, რომელშიც გიწევთ ცურვა, არის საკმაოდ დაბალი და თქვენ გიწევთ ისეთ გარემოში ცურვა, სადაც გიხდებათ სითბოს გაცემა. ცივ წყალში ორგანიზმი ავტომატურად რთავს ისეთ მექანიზმებს (სისხლძარღვები პერიფერიაზე ვიწროვდება), რომლებიც ეწინააღმდეგებიან სხეულის მიერ სითბო გაცემას. ანუ ცდილობს შეინარჩუნოს სითბო, არ გასცეს ენერგია სითბოს სახით. კანქვეშა ცხიმში სისხლის მიმოქცევა ფერხდება, სხეულს არ აწყობს ცხიმის უჯრედიდან ცხიმოვანი მჟავების ამოღება იმის გამო, რომ რაც არ უნდა თბილი წყალი იყოს აუზში, ის მაინც თქვენს შინაგან ტემპერატურაზე დაბალია და კანქვეშა ცხიმი ყველაზე ახლოსაა ცივ გარემოსთან, ეს ამცირებს ამ ადგილებში სისხლძარღვების კაპილარების გამტარობას იმისათვის, რომ შეამციროს სითბოს გაცემა.

სწორედ ამ მიზეზის გამო არ არიან მოცურავეები ბოლომდე გამომშრალები და კანქვეშ მაინც აქვთ გარკვეული ცხიმის ფენა. თუ შევადარებთ მოცურავეებს მორბენლებთან, მორბენლებს საჭიროების შემთხვევაში შეუძლიათ თბილად ჩაიცვან და ისე ირბინონ სიცივეში. ამიტომ სირბილისას არ არის აუცილებლობა სხეულმა შეამციროს სითბოს გაცემა და თქვენ უკეთესად წვავთ ცხიმს, ვიდრე ცურვისას.