როგორ არ დავწვათ კუნთები კარდიო ვარჯიშის დროს.

ორგანიზმის პირველადი საწვავი არის ატფ, რომელსაც ის ინახავს და იყენებს ენერგიის მისაღებად ვარჯიშის დროს. კარდიო დატვირთვა არის ისეთი ინტენსივობის დატვირთვა, როცა ორგანიზმი ატფ-ს გამოიმუშავებს ცხიმოვანი მჟავების დაჟანგვით. ასეთი კარდიოს დროს შესაძლებელია ცხიმთან ერთად დაიწვას კუნთებიც.

ნებისმიერი დატვირთვისას, კუნთები იწვება კორტიზოლისგან, რომლის სეკრეციაც ხდება კარდიო თუ ძალისმიერი დატვირთვის დროს. ძალისმიერი დატვირთვისგან განსხვავებით კარდიო დატვირთვისას არ ხდება ტესტოსტერონის, ან ზრდის ჰორმონის სეკრეცია, რომლებიც კორტიზოლის დამანგრეველ მოქმედებას აწონასწორებს. ნებისმიერი ფიზიკური დატვირთვა არის სტრესი, მას გამოვყავართ წონასწორობიდან – ჰომეოსტაზის მდგომარეობიდან და ამაზე ის პასუხობს კორტიზოლის გამოყოფით, რომელიც შლის კუნთებს. ერთადერთი რაც შეგვიძლია გავაკეთოთ, მინიმუმამდე დავიყვანოთ ეს პროცესი. ჩვენ შეგვიძლია გამოვიყენოთ ინსულინი (მაგ. შევჭამოთ რამე ტკბილი), მაგრამ ის ეწინააღმდეგება ცხიმის წვას.  

ატფ ჯერ სინთეზირდება კრეატინ ფოსფატიდან, მერე მოდის გლუკოზა სისხლში, მერე გლიკოგენი კუნთებში და როცა გლიკოგენი გამოილევა იწყება ცხიმოვანი მჟავების დაჟანგვა და ატფ–ის სინთეზი ცხიმებიდან. ამის გარდა სხეულს შეუძლია დაშალოს კუნთები და მიიღოს ენერგია სამი ამონომჟავადან, რომლებიც გვაქვს კუნთებში და ეს ამინომჟავებია ლეიცინი, იზოლეიცინი და ვალინი, ის ამინოები, რისგანაც შედგება ბცაა. სწორედ ამას აკეთებს კორტიზოლი, ის შლის კუნთებს, რომ მიიღოს ენერგია – ატფ ამ სამი ამინომჟავიდან.

იმისათვის რომ, ვარჯიშის დროს არ დაგვეშალოს კუნთები უნდა მივიღოთ ბცაა სწორედ ვარჯიშისას. ეს არ ნიშნავს, რომ ბცაა მთლიანად დაიცავს კუნთებს დაშლისგან, კუნთების ნაწილი მაინც დაიშლება. ამიტომ უმჯობესია კარდიო დატვირთვა არ გაგრძელდეს 40-60 წუთზე მეტ ხანს.

როგორც ზ. ა. ატფ-ის რესინთეზი რამდენიმე გზით ხდება და მათ შორის ცხიმიდან ატფ–ის რესინთეზი ხდება მხოლოდ აერობულ რეჟიმში კარდიო დატვირთვისას. მაგრამ ეს არ ნიშნავს, რომ ამ დროს ორგანიზმში გამორთულია ენერგიის მიღების სხვა სქემები. ნაწილი ატფ-ის მიიღება კუნთებში და ღვიძლში დარჩენილი გლიკოგენიდან, ასევე მცირე ნაწილს იღებს კუნთის დაშლიდან და რაც უფრო მეტად იცლება ორგანიზმი მარაგებისგან, მით მეტი კორტიზოლი სეკრეტირდება და შესაბამისად მეტი კუნთები იწვება. ამიტომ, რაც უფრო მეტს ვირბენთ, მით მეტ კუნთებს დავწვავთ, რადგან ჩვენ სხეულს ურჩევნია თავიდან მოიცილოს ენერგო მომხმარებელი კუნთები, ვიდრე გასცეს ცხიმი.

მაშასადამე, იმისათვის რომ კარდიო დატვირთვის დროს არ დაწვათ კუნთები, უნდა მიიღოთ ვარჯიშამდე და ვარჯიშის დროს ბცაა და არ უნდა ივარჯიშოთ 40-60 წუთზე მეტ ხანს. ცხიმის უკეთ დასაწვავად შეგიძლიათ მიიღოთ ლ კარნიტინი, რომელიც კარდიოს დროს ეხმარება ცხიმოვან მჟავებს მიტოქონდრიებში შეღწევაში, სადაც ხდება ატფ-ის გამომუშავება.