აერობული ვარჯიშის წესები გახდომისას.

ვარჯიშის დაწყებისას თანდათან გაზარდეთ დატვირთვა, რათა სხეული შეეგუოს დატვირთვას.

ივარჯიშეთ კვირაში სულ მცირე 3-ჯერ. რაც უფრო ხშირად ივარჯიშებთ, უკეთეს შედეგს მიაღწევთ.

აერობული ვარჯიშისთვის საუკეთესო დროა დილით, უზმოზე ვარჯიში. დილით მეტაბოლიზმი დაჩქარებულია ჰორმონების გააქტიურების გამო.

ჯობია ივარჯიშოთ ერთსა და იმავე დროს, რადგან ორგანიზმის ცირკადული სადღეღამისო რიტმები გადაეწყობა ფიზიკური აქტივობის რეჟიმზე.

აერობული ვარჯიშის მინიმალური ხანგრძლივობაა 30 წთ, ოპტიმალურია 1 სთ. რაც მეტს ივარჯიშებთ უფრო მეტ ცხიმს დაწვავთ.

არაფერი ჭამოთ აერობული ვარჯიშის დაწყებამდე 1 სთ. ადრე და 1 სთ. გასვლამდე ვარჯიშის მერე. თუ საჭმელს შეჭამთ ვარჯიშის წინ, დაწვავთ საჭმლის ენერგიას, ხოლო ცხიმი არ დაიწვება. ვარჯიშის შემდეგ სისხლში არის ბევრი ცხიმოვანი მჟავა და თუ არ შეჭამთ, ეს ცხიმები დაიწვება, ხოლო თუ შეჭამთ, ცხიმოვანი მჟავები კვლავ დაბრუნდება ცხიმოვან ქსოვილში.

აერობული ვარჯიშის ეფექტურობაში მნიშვნელოვანია ინტენსივობა. ინტენსივობაზეა დამოკიდებული პულსის სიხშირე. წონის დაკლებისთვის პულსი არ უნდა იყოს 120-ზე ნაკლები წუთში. 

მაქსიმალური შედეგისთვის გამოიყენეთ ინტერვალური ტრენინგი. ვარჯიში დაიწყეთ ნელი ტემპით, რათა ორგანიზმი მოამზადოთ დატვირთვისთვის. შემდეგ გააგრძელეთ ტალღისებური ინტენსივობით: მოუმატეთ და დაუკელით ინტენსივობას ყოველ 10 წთ. ვარჯიში დაასრულეთ თანდათანობით ტემპის შემცირებით.

გახდომისთვის ძირითადად შეასრულეთ აერობული ვარჯიშები, რადგან ძალისმიერი ვარჯიში ნაკლებ კალორიებს წვავს.