განტელების გვერდზე აწევა ფეხზე დგომში.
ვარჯიშის შესრულების ტექნიკა:
საწყისი პოზიცია. დადექით სწორად. აიღეთ განტელები ხელისგულებით შიგნით. ოდნავ წინ გადაიხარეთ. მკლავები თავისუფლად ჩამოუშვით სხეულის გასწვრივ. მხრები ჩამოშვებული. იდაყვები სხეულთან ახლოს. ფეხები მხრების სიგანეზე, მუხლები ოდნავ მოხრილი.
შესრულება. ამოსუნთქვაზე აწიეთ განტელები გვერდზე იდაყვებით, ხელები იდაყვებში ოდნავ მოხრილი. მოძრაობა უნდა გაგრძელდეს მანამ, სანამ იდაყვები მხრის დონეზე არ აღმოჩნდება. (ხელების აწევისას წარმოიდგინეთ, თითქოს ორივე ხელში გიჭირავთ წყლით სავსე ბოთლი და გინდათ ნელა გადმოღვაროთ წყალი).
არ აწიოთ ხელები მხრებზე ზევით, უფრო ზევით აწევისას ერთვება ტრაპეციული კუნთები. მოძრაობა მხოლოდ მხრის სახსარში, სხეულის დანარჩენი ნაწილი უმოძრაოდაა. მუშაობენ მხოლოდ დელტისებური კუნთები. ზედა წერტილში იდაყვი უნდა იყოს ოდნავ უფრო მაღლა, ვიდრე ნეკა თითი, წამიერად შეყოვნდით და ჩასუნთქვაზე ნელა ჩამოიწიეთ განტელები საწყის პოზიციამდე, მხრების გასწვრივ. არ მიიტანოთ განტელები ერთმანეთთან ახლოს, რათა დელტები დარჩნენ მუდმივად დაძაბული.
მუშა კუნთებია: დელტები (შუა თავი).
დაშვებული შეცდომები: არ აიღოთ მძიმე განტელები და არ გამოიყენოთ ჩიტინგი – განტელების მთელი სხეულით აწევა ინერციის გამოყენებით. არ იქანავოთ, არ აწიოთ განტელები ძალიან მაღლა, არ მოადუნოთ დელტები ზედა და ქვედა წერტილში. შეცდომაა განტელის სწრაფი ჩამოშვება.
