ინტერვალური ვარჯიში ტაბატას ოქმის საფუძველზე.

ინტერვალური ვარჯიშის ამ სახეობამ ეს სახელი მიიღო მისი შემქმნელის, იაპონელი მეცნიერის ტაბატასგან. ვარჯიშების სისტემა ტაბატა არის ძალიან ბევრი მოძრაობა მოკლე დროში.

ჩვეულებრივ ტაბატა სრულდება შემდეგი სქემით:

მაღალინტენსიური ტრენინგის 20 წმ, დასვენების 10 წმ. – ეს ერთი ინტერვალია და ასეთი 30 წამიანი ინტერვალი 8. მთელი ვარჯიში გრძელდება 4 წუთი.

თუ ივარჯიშებთ საკმაოდ ინტენსიურად მხოლოდ 4 წუთის განმავლობაში, თქვენ მაინც მიიღებთ შედეგს, მაგრამ თუ გააკეთებთ 20 წუთიან პროგრამას, მიიღებთ გაცილებით უკეთეს შედეგს.

რეალურად შედეგის მისაღებად მნიშვნელოვანია არა 4 წუთიანი ვარჯიში, არამედ სწორედ ინტენსიურობა, რაც შეიძლება მეტი მოძრაობის შესრულება 4 წუთში.

ტაბატას წინ აუცილებელია გახურება და ბოლოში გაწელვები. შესაფერისია ვისაც ცოტა დრო აქვს ვარჯიშისთვის.

ტაბატასთვის შესაფერისია ვარჯიშების ნებისმიერი ფორმა, როგორც დამატებითი მოწყობილობებით (სიმძიმეებით, რეზინის ჟგუტებით, ფიტბოლით, მედბოლით, ბოსუთი, სახტუნაოთი და ა.შ.), ასევე მათ გარეშე.

ტაბატას უპირატესობები:

არ არის საჭირო სპეციალური მოწყობილობები;

არ არის საჭირო ხანგრძლივი ვარჯიში, საკმარისია 4 წუთიანი 3-4 მისვლა კვირაში 3-ჯერ;

ტაბატათი ვარჯიშის შედეგად უკვე ერთ თვეში შეიმჩნევა ცხიმის შემცირება და კუნთების გამაგრება.

ტაბატა გახდომისთვის.

დიეტებით გახდომისას ვკარავთ კუნთოვან მასას, ტაბატათი კი გახდომა ხდება კუნთის დაკარგვის გარეშე, რადგან ვარჯიშისას მუშავდება სწრაფი ბოჭკოები, მეტაბოლიზმი ჩქარდება ვარჯიშიდან 24 საათის განმავლობაში.

გასახდომად ტაბატას იყენებენ მეტაბოლიზმის ასაჩქარებლად, რითაც სწრაფად იწვება ცხიმი. ის ორგანიზმს აყენებს ხანმოკლე, მაგრამ ძლიერ სტრესს. რეგულარული ინტენსიური ვარჯიში ზრდის ნივთიერებათა ცვლის სიჩქარეს. რაც ზრდის ცხიმის წვას მაშინაც კი, როცა ისვენებთ და არ ვარჯიშობთ.

ტაბატა სრული სიმძლავრით რთავს ცხიმის წვის ანაერობულ და აერობულ მექანიზმებს 4 წუთიან ვარჯიშში კუნთის დაკარგვის გარეშე.

ტაბატათი ვარჯიშით შესაძლებელია აერობული და ანაერობული გამძლეობის გაზრდა, ანუ გავზარდოთ ვარჯიშისას ჟანგბადის მაქსიმალური მოხმარება. მაქსიმალური ანაერობული გამძლეობა ნიშნავს ორგანიზმის მიერ მაქსიმალური ანაერობული ენერგიის მიღებას ნახშირწყლების დაწვით სისხლში ჟანგბადის უკმარისობის პირობებში. რძემჟავის სწრაფი დაგროვებისა და ჟანგბადის უკმარისობის ხარჯზე ეს 4 წუთიანი პროგრამა ძალზე ინტენსიური და მძიმეა.

ცხიმების უფრო ეფექტური წვისთვის შეასრულეთ ტაბატა ძალისმიერი ვარჯიშის შემდეგ, როცა კუნთები უკვე გახარჯავენ გლიკოგენის მარაგს. ვარჩევთ ბაზისურ მრავალსახსრიან ვარჯიშებს, ვარჯიშებში ვრთავთ კუნთების მეტ რაოდენობას. ვმუშაობთ მაქსიმალური ინტენსივობით, მაგრამ არა ტექნიკის საზიანოდ. იდეალში ვარჩევთ წონას, რომლის გამოყენებითაც შეგვიძლია გავაკეთოთ 12-15 გამეორება იდეალური ტექნიკით, მაგრამ ამ დროს არ მივდევთ გამეორებათა რაოდენობას.

რადგან ვარჯიში ინტენსიურია, ამიტომ ის გაუვარჯიშებელი ადამიანისთვის არ არის შესაფერისი, ასეთი ინტენსიური ვარჯიში საშიშია და ვარჯიშის წინ საჭიროა გამოკვლევა ექიმთან.

ტაბატა არ არის რეკომენდირებული:

გულის უკმარისობის, ჰიპერტონიის, ათეროსკლეროზის დროს.