კალციუმი.

კალციუმი მინერალია, რომელიც მნიშვნელოვან როლს ასრულებს არტერიული წნევის რეგულაციასა და ჩონჩხის კუნთების შეკუმშვაში, მონაწილეობს ძვლებისა და კბილების ჩამოყალიბებაში.

ჰიპერკალციემია მდგომარეობაა, როდესაც სისხლში ჭარბადაა კალციუმი. ის შესაძლოა გამოწვეული იყოს კალციუმის ან D ვიტამინის ჭარბი მიღებით და სხვადასხვა (თირკმელების, ფარისებრი ჯირკვლის, ფილტვის) დაავადებებით.

ჰიპერკალციემიისთვის დამახასიათებელია:

ძილიანობა;

სისუსტე;

დაბნეულობა;

 ხშირი და ღამის შარდვა;

შეკრულობა;

გულისრევა;

არითმია.

ჰიპოკალციემიაა, როდესაც სისხლში კალციუმი ნორმაზე ნაკლებია. ის შესაძლოა გამოწვეული იყოს: D ვიტამინის ნაკლებობით, თირკმლის უკმარისობით, პანკრეატიტით, პროსტატის კიბოთი, მალაბსორბციით. ასევე ზოგიერთი მედიკამენტის – ჰეპარინის, ოსტეოპოროზის და ანტიეპილეფსიური საშუალებების მიღებით.

ჰიპოკალციემიას ახასიათებს:

ხელების, ტერფების ან ტუჩების დაბუჟება;

კუნთების ტკივილი და სპაზმა;

კრუნჩხვები;

სახის კუნთების სპაზმა;

კუნთების სისუსტე;

გონების დაკარგვა;

გულისცემის გაიშვიათება;

 შფოთვა;

დაბნეულობა;

დეპრესია;

გაღიზიანება;

ჰალუცინაციები.

კალციუმის მარაგის აღდგენაში დაგეხმარებათ:

ყველი;

ბროკოლი;

მზესუმზირის თესლი;

ისპანახი;

იოგურტი;

რძე;

ლეღვი;

ნუში;

სარდინი.