როგორი უნდა იყოს ვარჯიშის ინტენსიურობა კარდიო, ან ძალისმიერი დატვირთვისას.

დატვირთვა კარდიოა თუ ძალისმიერი, ამას განსაზღვრავს არა ვარჯიშის სახეობა (სირბილი, ველოსიპედი, სიმძიმეებით ვარჯიში), არამედ ის, თუ რა ინტენსივობისაა დატვირთვა, რა გზით სინთეზირდება ატფ კონკრეტულ შემთხვევაში. თუ დავრბივართ ძუნძულით, ეს არის კარდიო იმიტომ, რომ ინტენსიურობა არ არის მაღალი, სწრაფად არ გვჭირდება ატფ-ის დიდი რაოდენობა, კუნთები არ იჟანგება და გვყოფნის დრო, ცხიმოვანი მჟავა ტრანსპორტირდეს მიტოქონდრიაში, დაიჟანგოს, მივიღოთ აქედან 138 ატფ-ის მოლეკულა და დავწვათ ატფ ძუნძულით.  

ასევე თუ ვიღებთ პატარა წონის შტანგას და ვაკეთებთ 25-30 გამეორებას ნელ ტემპში, რომ არ გვქონდეს კუნთის წვა, ესეთი ვარჯიში არ ითვლება ძალისმიერ ვარჯიშად, ესეც იქნება კარდიო დატვირთვა, იმიტომ, რომ წონა პატარაა და რახან ინტენსიურობა დაბალია, არ გვჭირდება მოკლე დროში ბევრი ატფ და ორგანიზმს ყოფნის დრო აერობული გლიკოლიზისთვის. აერობული გლიკოლიზით ვიღებთ 38 მოლეკულა ატფ-ს, ნაკლებს, ვიდრე ცხიმოვანი მჟავების დაწვით, მაგრამ ეს მაინც არ არის ანაერობული დატვირთვა. იგივეა ველოსიპედით ვარჯიშისას. თუ ნელ ტემპში ვისეირნებთ, ეს იქნება კარდიო, ხოლო თუ ტემპი იქნება ძალიან მაღალი, მაშინ ეს იქნება ანაერობული დატვირთვა ისევე, როგორც ეს მძიმე წონის შტანგით ვარჯიშისას კუნთის გათიშვამდე. ამ პრინციპზეა აგებული მაღალინტენსიური ინტერვალური ვარჯიში.

ნებისმიერი ვარჯიში, იქნება ეს სირბილი, ველოსიპედი, შტანგა თუ სხვა ვარჯიშის სახეობა, შეიძლება იყოს როგორც ძალისმიერი, ასევე კარდიო დატვირთვა. ამას განსაზღვრავს ის, თუ რა გზით სინთეზირდება ატფ.

თუ შეგვიძლია 30-40 წთ. ვივარჯიშოთ დაბალ ტემპში, ე. ი. არ ხდება რძემჟავას წარმოქმნა კუნთებში, რომელიც არ მოგვცემს 2 წთ. მეტი ხნით ვარჯიშის საშუალებას, ამიტომ ეს არის კარდიო, თუნდაც ეს იყოს მსუბუქი შტანგით ვარჯიში. ხოლო თუ ვაკეთებთ მაღალ ინტენსიურ დატვირთვას, რა დროსაც გვაქვს კუნთის წვა და გათიშვა, რაც არ უნდა გავაკეთოთ – ვირბინოთ, ველოსიპედით ან შტანგით ვივარჯიშოთ, ეს იქნება ძალისმიერი ვარჯიში. ერთი და იგივე ვარჯიშები შეიძლება იყოს როგორც კარდიო, ასევე ძალისმიერი და ეს დამოკიდებულია არა ვარჯიშის სახეობაზე, არამედ იმაზე, თუ რა ინტენსიურობით ვაკეთებთ ამას.

მაგ. წრიული ვარჯიში უნდა იყოს კარდიო დატვირთვა, რადგან მისვლებს შორის არ გვაქვს შესვენება, ვაკეთებთ რამოდენიმე წრეს 20-25 გამეორებით მსუბუქი წონით. წრიული არ არის გათვლილი კუნთის მასის ზრდაზე, მას იყენებენ როცა ორგანიზმი მიეჩვია სირბილით კარდიო ვარჯიშს და აღარ გვაძლევს შედეგს, ასევეა მაღალ ინტენსიური ინტერვალური ვარჯიში, მაგ. ტაბატა, თუ 4, ან 8 წუთიანი ტაბატას შემდეგ კიდევ შეგიძლიათ ივარჯიშოთ, ეს უკვე აღარ არის მაღალინტენსიური ინტერვალური ტრენინგი.