როგორ ჯობია ივარჯიშონ ქალებმა იმისათვის, რომ გახდნენ.

 მთავარი მიზეზი, რის გამოც ქალების ფორმები უარესდება, არის კანქვეშა ცხიმი და იმისათვის, რომ დაუბრუნდნენ ძველ ფორმებს, საჭიროა ამ ცხიმის დაწვა. ვნახოთ რა ხდება ფიტნეს კლუბში, სადაც მიაკითხეთ გახდომის მიზნით და ვარჯიშობთ შემოთავაზებული სავარჯიშო მოწყობილობებით.

თავისუფალი წონებით (შტანგა და განტელები) ვარჯიშით ვითარდება კუნთი, იზრდება და მკვრივდება. იგივე ხდება ძალისმიერი ტრენაჟორებით ვარჯიშისას. 1 სთ. ინტენსიური ძალისმიერი ვარჯიშით დახარჯავთ არაუმეტეს 200 – 300 კკალ-ას, რაც არის ძალიან მცირე დღეში მიღებულ 2000 კკალ-თან შედარებით. ძალისმიერი ვარჯიში არის ანაერობული დატვირთვა, რა დროსაც ცხიმი არ იწვება და ზ. ჩ. სავარჯიშო მოწყობილობების დანიშნულებაა კუნთის განვითარება და არ გამოადგებათ ქალებს ცხიმის დასაწვავად.

 ისე არ გამიგოთ, თითქოს მე წინააღმდეგი ვარ ქალების ძალისმიერი ვარჯიშის, მაგრამ ძალისმიერი ვარჯიში ქალებისთვის მიზანშეწონილია მას შემდეგ, რაც დაწვავთ ცხიმს, წინააღმდეგ შემთხვევაში ცხიმის მაღალი შემცველობის კუნთების განვითარებით ის უფრო მასიური და უშნო გახდება, ვიდრე იყო.

ეხლა განვიხილოთ რა ხდება კარდიო ტრენაჟორებით ვარჯიშის დროს. კარდიო ტრენაჟორების უშუალო დანიშნულებაა ცხიმის დაწვა ორგანიზმში და თითქოს ვიპოვეთ საშუალება, რომელიც დაგვეხმარება ცხიმის წვაში, მაგრამ აქაც არის კითხვის ნიშნები, ღირს თუ არა ქალებმა ივარჯიშონ ამ ტრენაჟორებით. აუცილებელია სწორად იყოს შერჩეული ვარჯიშის ტემპი, რადგან ცხიმი იწვება გულის პულსის გარკვეულ დიაპაზონში. დაშვებულზე მაღალი ტემპით ვარჯიშის შემთხვევაში დაწვავთ კუნთს, ან საერთოდ ვერაფერს, თუ ნელა ვარჯიშობთ. ცხიმის დასაწვავად საჭიროა არანაკლებ 50 წუთი ინტენსიური ვარჯიში, რადგან 30 წუთის განმავლობაში ორგანიზმი უმეტესწილად ენერგიას იღებს კუნთში არსებული გლიკოგენიდან და როცა ის გამოილევა, მხოლოდ ამის მერე იწყება ცხიმოვანი მჟავების წვა. ამიტომ მხოლოდ ბოლო 20 წუთია გახდომისთვის ყველაზე ეფექტური. ასევე მიზანშეწონილი არ არის 60 წუთზე მეტი ხნით სირბილი, რადგან ამ დროს უკვე ცხიმის უჯრედების ნაცვლად დაშლას იწყებს კუნთის უჯრედები.

კარდიო ტრენაჟორებზე 1 სთ. ინტენსიური ვარჯიშით დაწვავთ დაახლოებით 600 კკალ-ას, გახდომისთვის აუცილებელია სულ მცირე კვირაში 3-ჯერ ან მეტჯერ ვარჯიში. რადგან სირბილის და პედლების ტრიალის დროს ძირითადად მუშაობენ ფეხის კუნთები, ხანგრძლივი ვარჯიშისას გაგივითარდებათ და გაგეზრდებათ ფეხის კუნთები ცხიმის ფენის შიგნით და გახდება უფრო დიდი მოცულობაში ვიდრე იყო.

არ შეიძლება სირბილი მათთვის, ვისაც აქვს დიდი წონა, ასევე ვისაც აწუხებს სახსრები და ხერხემალი, რადგან სირბილი არის კონტროლირებადი დაცემა და მიწაზე შეხებისას სახსრები და მალთაშუა დისკები იღებენ ძლიერ დარტყმებს.

აქვე ავღნიშნავ, რომ კარდიო ტრენაჟორებიდან ყველაზე მისაღები არის ე.წ. თხილამურები, სადაც მთელი სხეულია ჩართული მოძრაობაში და არც დარტყმის მომენტია როგორც სარბენ ბილიკზე.

ალბათ იკითხავთ: მაშ რა ვქნათ, როგორ ვივარჯიშოთ ქალებმა სახლის პირობებში გასახდომად, თუ არ გვაქვს საშუალება ვიაროთ ფიტნეს ცენტრში?

 ჩვენი რჩევაა შეადგინოთ მრავალფეროვანი აერობული დატვირთვის სავარჯიშო პროგრამა, თქვენი მოთხოვნებისა და შესაძლებლობების ფარგლებში. ხოლო რაც შეეხება ინდივიდუალური სავარჯიშო პროგრამის ისე შედგენას, რომ ცხიმის დაშლა და მიზანმიმართული კორექცია მოხდეს, ამაში დაგეხმარებიან ჩვენი პროფესიონალი ტრენერები. აქვე გეტყვით, რომ სწორი კვების გარეშე, მარტო ვარჯიშით თქვენ რაიმე სერიოზულ შედეგს ვერ მიიღებთ.