ერბო – უნიკალური ცხოველური ცხიმი.

ერბო არის გადამდნარი კარაქი – უნიკალური პროდუქტი, რომელსაც აღმოსავლეთში ეძახიან თხევად ოქროს. ხარისხიანად მომზადებული ერბო ათწლეულების მანძილზე არ ფუჭდება, რაც უფრო დიდი ხნისაა ერბო, მით მეტი სასარგებლო თვისებები აქვს. ეს არის პროდუქტი, რომელსაც შეუძლია ორგანიზმის გაახალგაზრდავება.

ერბო ოქროსფერია, კარაქისაგან განსხვავებით ის არ შეიცავს ლაქტოზას (შაქარს) და კაზეინს (ცილას), ამიტომ ის შეუძლია მოიხმაროს ვისაც აქვს ლაქტოზას აუტანლობა.

ეს ცხიმი არ იწვება თერმული დამუშავებისას, ის არ ხდება კარცენოგენული. ამის გამო ნებისმიერი კერძი შეგიძლიათ მოამზადოთ ერბოში.

ერბო არის დიეტური პროდუქტი, ის კარგად შეითვისება ორგანიზმის მიერ, აუმჯობესებს ნივთიერებათა ცვლას, ორგანიზმიდან გამოაქვს ცუდი ქოლესტერინი, ინსულინის დონეს წევს დაბლა და გვეხმარება დავიკლოთ წონაში. ერბოს სისტემატიური მოხმარება გვიცავს ისეთი დაავადებებისგან როგორიც არის სისხლძარღვების ათეროსკლეროზი, გულსისხლძარღვთა იშემიური დაავადებები, ინფარქტი, ინსულტი. ერბო ორგანიზმში არეგულირებს წნევას. მამაკაცები რომლებიც ყოველდღე მიირთმევენ ერბოს კარგად ინარჩუნებენ მამაკაცურ ძალას და ნაკლებად აქვთ პოტენციის პრობლემები.

მოლეკულური სტრუქტურით ეს ცხიმი განსხვავდება სხვა ცხოველური ცხიმებისაგან. ერბო შედგება ცხიმოვანი მჟავებისგან რომლებსაც აქვთ მოკლე ქიმიური ჯაჭვი, ამიტომ ის არ ამაღლებს სისხლში ქოლესტერინის დონეს. მასში შემავალი ცხიმოვანი მჟავები იცავს ორგანიზმს თავისუფალი რადიკალებისგან. ადამიანს როცა ხშირად აქვს ნეგატიური ემოციები წარმოექმნება ტოქსინები. ერბოს შეუძლია გაწმინდოს ორგანიზმი ამ ტოქსინებისგან.

ერბო აუმჯობესებს ადამიანის გონებრივ შესაძლებლობებს, ინტელექტს, მახსოვრობას. ის განსაკუთრებით სასარებლოა ბავშვებისთვის და მოხუცებისთვის.

ერბოში შემავალი ცხიმოვანი მჟავები ორგანიზმში სწრაფად გადაიქცევა ენერგიის წყაროდ. ამიტომ სპორტსმენებისთვის ერბო დამატებითი ენერგიის წყაროა. ერბოს მოხმარებისას წონაში ვიკლებთ იმიტომ, რომ ენერგიას რომელსაც ვიღებთ მასში შემავალი ცხიმოვანი მჟავებისგან სწრაფად იწვება.

ერბო შეიცავს ანტიოქსიდანტებს: E, A, D და K ვიტამინებს, ეს ანტიოქსიდანტები ორგანიზმში ხელს უშლიან ლიპიდების დაჟანგვას, რომლებიც იწვევენ სისხლძარღვების ათეროსკლეროზს.

ერბოს შეუძლია ორგანიზმის გაახალგაზრდავება, იგი აჩერებს დაბერების პროცესს ახალი უჯრედების წარმოქმნის ხარჯზე.

ერბო კარგად მოქმედებს სხვადასხვა დაავადებების დროს, მაგ: ანგინა, ხველა, გაციება, ინფექციური დაავადებები, თავის ტკივილი, სახსრების და წელის ტკივილი, ჰიპერტენზია, ინსულტი, პროქტოლოგიური პრობლემები (ბუასილი).

ერბო ამაღლებს იმუნიტეტს, ეხმაება ღვიძლს ტოქსინების ფილტრაციაში.

ერბოს შეუძლია ჭრილობების მოშუშება, უშვილობის განკურნება, მამაკაცებში პოტენციის დაბრუნება, მას შეუძლია ორგანიზმში საწამლავის ნეიტრალიზება, ეპილეპსიური შეტევების შემცირება და ხშირ შემთხვევაში განკურნება. ის კვებავს ტვინის უჯრედებს. ერბოს სისტემატიური მოხმარება აღადგენს ისეთი ორგანოების ფუნქციონირებას როგორიცაა ღვიძლი, თირკმელები და ნაწლავები. ერბოში შემავალი ცხიმოვანი მჟავები განსაკუთრებით სასარგებლოა მსხვილი ნაწლავისთვის და მთლიანად კუჭნაწლავის სისტემის აღდენისთვის.

როგორ მოვამზადოთ ერბო.

ნაღების კარაქი (ძროხის რძის) 82,50 % იანი მოვათავსოთ ქვაბში, დავდგათ ნელ ცეცხლზე, შიგადაშიგ ამოვურიოთ. მომზადებისას პროდუქტი გადის რამოდენიმე ეტაპს. თავიდან გამდნარი კარაქი ზევიდან მოიგდებს ქაფს, დუღილი გააგრძელეთ, ნელ-ნელა ზევიდან მოექცევა ქარვისფერი გამჭვირვალე ცხიმი, ხოლო ქვაბის ძირზე გაჩნდება ნალექი. ამ ნალექში არის თავმოყრილი ყველა სხვა დანამატი რასაც შეიცავს კარაქი. დუღილი შეიძლება დაჭირდეს ერთი საათიდან საათნახევრამდე. რაც უფრო კარგი ხარისხის კარაქი იქნება მით უფრო ნაკლები დრო დაგჭირდებათ დუღილისთვის. როდესაც ზევიდან მოექცევა გამჭირვალე ქარვისფერი ცხიმი და ქვაბის ძირში დაილექება ნარჩენი პროდუქტი ერბოც მზად არის. საწურში ჩააფინეთ რამოდენიმე ფენად მარლა და ფრთხილად გადაწურეთ გადამდნარი კარაქი. მიიღებთ სუფთა ერბოს, ხოლო ნალექი დარჩება საწურში. ერბო გადაიტანეთ მინის ქილაში და სასურველია შეინახოთ ოთახის ტემპერატურაზე, გრილ ადგილას.

რაც უფრო დიდი ხნის არის ერბო, მით უფრო მეტი სასარგებლო თვისებები აქვს მას. დიდი ხნის შენახვის შემდეგ ის იცვლის გემოს და ხდება უფრო ღია ფერის. მიუხედავად ამისა ახლად მომზადებული ერბოც მოგიტანთ სარგებლობას ჯანმრთელობისთვის.

ზედა სასუნთქი გზების დაავადებებისას (გაციება, ხველება, ანგინა ან სხვა ინფექციური დაავადებები) კარგია თუ მიიღებთ ერთ ჭიქა თბილ ნატურალურ ძროხის რძეში ჩაგდებულ 1 ჩაის ან სუფრის კოვზ ერბოს, სურდოს დროს შეგიძლიათ თბილი ერბოს წვეთები ჩაიწვეთოთ ცხვირში და მოგეხსნებათ შეშუპება, ყურის ანთებისას 2-2 წვეთი თბილი ერბო დღეში 2-3 ჯერ ჩაიწვეთოთ ყურში.

 თავის ტკივილის დროს შეიზილეთ ერბო ხელის და ფეხის გულებზე,15-20 წთ. ტკივილი გაგივლით. თუ ამ პროცედურას 2-3 თვე შეასრულებთ თავს დააღწევთ სისტემატიურ თავის ტკივილებს. ამ უნიკალური ცხიმის ყოველდღიურად 1-2 ჩაის ან სუფრის კოვზის მიიღებით მოიგვარებთ მხედველობის პრობლემებსაც. ერბო დაგიცავთ და შეგიმსუბუქებთ ოსტეოქონდროზის, რადიკულიტის, ართრიტისგან გამოწვეული სახსრების და კუნთების ტკივილისგან, თუ დღეში რამოდენიმეჯერ შეიზელთ მას მტკივნეულ ადგილას.

ერბოს მოხმარებიდან სამ დღეში იგრძნობთ სახის ფერის გაუმჯობესებას და თუ ამასთან ერთად სახეზე გაიკეთებთ კვირში 1-2 ჯერ ერბოზე მომზადებულ ნიღბებს, ძალიან მალე გაოცდებით თქვენი კანის გაახალგაზრდავების პროცესით.

რეცეპტები სახის ნიღბისთვის:

1 ჩ.კ. ერბოს დაუმატთ 0,5 ჩ.კ. კურკუმა აურიეთ კარგად, შეიზილეთ სახის კანზე, გაიჩერეთ 20-30 წთ. და ჩამოიბანეთ თბილი წყლით.

1 კვერცხის გულს შეურიეთ 1 ჩ.კ. ერბო, წაისვით სახეზე, გაიჩერეთ 20-30 წთ. და ჩამოიბანეთ თბილი წყლით.

თუ თქვენ ცხიმიანი კანი გაქვთ მაშინ მოიმზადეთ ასეთი ნიღაბი: 1 ჩ.კ. ერბოში შეურიეთ 1 ჩ.კ. თბილ წყალში დამბალი შვრია, წაისვით სახეზე, გაიჩერეთ 20-30 წუთით და ჩამოიბანეთ თბილი წყლით.

ერბო ასევე შეგიძლიათ გამოიყენოთ თმის ძირების გასამაგრებლად, შეიზილეთ ერბო თმაში, შეიფუთეთ თმა და გაიჩერეთ 2 სთ, ჩამოიბანეთ თავი შამპუნით. შეგიძლიათ ერბოს დაუმატოთ ნებისმიერი მცენარის ეთერზეთი.

ერბო გვავსებს ისეთი ენერიით რომელიც დადებითად აისახება ყველა ორგანოს ფუნქციონირებაზე, ამაგრებს ნერვიულ სისტემას, წმენდს ღვიძლს, თირკმელებს, ნაწლავებს და აჩქარებს ნივთიერებათა ცვლას.

ერბო კარად თავსდება ყველანაირ პროდუქტთან. ერბოზე მომზადებული ნებისმიერი კერძი გამოირჩევა სასიამოვნო გემოთი და გვანაყრებს დიდხანს.

ერბო შეგიძლიათ გამოიყენოთ როგორც კულინარიაში, ასევე ჯანმრელობის მოწესრიგებაში და კოსმეტოლოგიაში.