ხელების გაშლა ტრენაჟორში (შებრუნებული პეპელა)

ვარჯიშის შესრულების ტექნიკა:

საწყისი პოზიცია.

დააყენეთ ტრენაჟორის სახელურები უკანა უკიდურეს მდგომარეობაში. სკამის სიმაღლე ისე დაარეგულირეთ, რომ სახელურები მხრების დონეზე იყოს. დაიჭირეთ სახელურები ხელისგულებით ქვევით. ხელები იდაყვში ოდნავ მოხრილია, იდაყვები არ ჩამოუშვათ. მხრები წინ წამოწიეთ, რათა ნაკლებად ჩაერთოს შუა ტრაპეციები.

შესრულება. ამოსუნთქვაზე უკანა დელტას შეკუმშვით ხელები გაშალეთ უკან. მოძრაობის დროს ხელები მაქსიმალურად გაშალეთ, მოძრაობა უნდა მოხდეს მხოლოდ მხრის სახსარში, ამპლიტუდა მოკლეა (ბეჭების შეერთებით ამპლიტუდა იზრდება და ზურგის კუნთები ერთვება მუშაობაში, რაც დასაშვებია).

ბოლო წერტილში მოძრაობა რამოდენიმე წამით დააფიქსირეთ და ჩასუნთქვაზე ნელა დაბრუნდით საწყის მდგომარეობაში. წონა არ დაუშვათ ბოლომდე, რათა კუნთი იყოს სულ დაჭიმული.

მუშა კუნთებია: უკანა დელტა

ვარჯიშის სახეობა: იზოლირებული

დამხმარე კუნთებია: ზურგის მთლიანად ზედა კუნთები

ვარიაციები: ვარჯიში ფეხზე დგომშიც შეიძლება შესრულდეს.