ფრანგული წოლჭიმი.

სინამდვილეში ამ ვარჯიშში არ არის ჭიმი, აქ უფრო გვაქვს ხელების გაშლა იდაყვის სახსარში.

ვარჯიშის შესრულების ტექნიკა:

საწყისი პოზიცია. აიღეთ ჩვეულებრივი ან EZ შტანგა (ხელისგულებით წინ მიმართული), დაწექით ჰორიზონტალურ სკამზე. ფეხები დადგით იატაკზე მხრებზე განზე, მუხლებში 90 გრადუსით მოხრილი. მინიშნება: თუ თქვენ იყენებთ ჩვეულებრივ შტანგას, დაიჭირეთ იგი მხრების სიგანეზე, თუ იყენებთ EZ შტანგს, დაიჭირეთ შიგნიდან.

გაშალეთ ხელები და აწიეთ შტანგა მკერდის თავზე. ხელები უნდა იყოს იატაკის პერპენდიკულარულზე ოდნავ უკან დახრილი. ეს იქნება თქვენი საწყისი პოზიცია.

შესრულება. ჩასუნთქვისას მოხარეთ ხელები იდაყვებში და ჩამოწიეთ შტანგა დაბლა, არ ამოძრაოთ ხელები მხრებიდან იდაყვამდე. გააგრძელეთ მოძრაობა მანამ, სანამ შტანგა არ აღმოჩნდება თავს უკან, შუბლთან ახლოს. შტანგა ჩამოგვაქვს იდაყვში 90 გრადუსამდე.

ამოსუნთქვისას დააბრუნეთ შტანგა საწყის მდგომარეობაში. მოძრაობის ბოლოს დაძაბეთ ტრიცეფსი და წამიერად შეყოვნდით. მინიშნება: მკლავის ნაწილი მხრიდან იდაყვამდე და თავად იდაყვები უნდა დარჩეს უმოძრაო, მოძრაობს მხოლოდ წინამხრები. იდაყვები არ გაშალოთ განზე.

შტანგის ჩამოშვება ოდნავ ნელა, აწევა ოდნავ სწრაფად.

შეასრულეთ გამეორებების საჭირო რაოდენობა.

გაფრთხილება: წონის არჩევისას იყავით უკიდურესად ფრთხილად, ზედმეტმა წონამ შეიძლება იდაყვში მყესების დაზიანება ან დაჭიმულობა გამოიწვიოს. აიღეთ ისეთი წონა, რომ შეძლოთ მინიმუმ 8 გამეორების გაკეთება. თუ თქვენ გაქვთ პრობლემები იდაყვის სახსრებში, უნდა შეცვალოთ ეს ვარჯიში სხვა ვარჯიშით.

ვარიაციები: თქვენ ასევე შეგიძლიათ გააკეთოთ ეს ვარჯიში დახრილ სკამზე.

ეს ვარჯიში შეგიძლიათ გააკეთოთ ჰანტელებით (მაჯებით ერთმანეთის პირისპირ).

შეგიძლიათ სცადოთ შებრუნებული მოჭიდება (მაჯები თქვენსკენ).

მუშა კუნთებია: ტრიცეპსები (გრძელი თავი).     

დაშვებული შეცდომები: იდაყვების განზე გაშლა ვარჯიშისას, ხელები იატაკის პერპენდიკულარული საწყის მდგომარეობაში, შტანგის ჩამოტანა სახესთან, დიდი წონით ვარჯიში, შტანგის სწრაფად ჩამოშვება.

მსგავსი ვარჯიშები: განტელის თავს უკან ჩამოტანა.