ღერძზე აზიდვა ფართო მოჭიდებით.

ვარჯიშის შესრულების ტექნიკა:

საწყისი პოზიცია. მოკიდეთ ხელები ღერძს ფართო მოჭიდებით და ჩამოეკიდეთ სრულად გაშლილ მკლავებზე.

მოჭიდება მხრებზე ოდნავ ფართოდ, ისე რომ აზიდვისას წინამხრები იყოს ერთმანეთის პარალელური. რაც უფრო ახლოა მოჭიდება, მით მეტია ამპლიტუდა, მაგრამ მეტად ერთვება ბიცეპსი. ძალიან განიერი მოჭიდებისას ამპლიტუდა მცირდება და მხრებზე იზრდება დატვირთვა. ორივე შემთხვევაში უფრო გაგიჭირდებათ აზიდვა, ვიდრე საშუალო მოჭიდებით.

წელი ჩაზნიქეთ და ზურგში გაიმართეთ. პრესი, დუნდულები და ფეხის კუნთები დაჭიმეთ, ფეხები შეაერთეთ და გამართეთ. ეს იქნება თქვენი საწყისი პოზიცია.

შესრულება. ამოსუნთქვაზე მკვეთრი მოძრაობის გარეშე ხელების იდაყვებში მოხრით და ბეჭების შეერთებით აწიეთ ტანი მაღლა. ნუ იქანავებთ და ნუ გამოიყენებთ ინერციას აზიდვისას. აიზიდეთ მკერდით ზევით, შეეცადეთ ნიკაპი ასწიოთ ღერძის დონეზე. აზიდვისას იფიქრეთ იდაყვების ტანთან მიახლოებაზე და უკან გაწევაზე, და არა ტანის აზიდვაზე.

წამიერად შეჩერდით ზედა წერტილში, შემდეგ ჩასუნთქვაზე ნელა ჩამოეშვით საწყის პოზიციაზე ხელების ბოლომდე გაშლამდე.

მუშა კუნთებია: ზურგის უგანიერესი კუნთები

დამხმარე კუნთებია: ბიცეპსები, მხრები, ზედა და შუა ზურგი.

ვარიაციები: ვიწრო მოჭიდებით აზიდვა, შემობრუნებული მოჭიდებით აზიდვა.

დაშვებული შეცდომები: ინერციით აზიდვა (გამოიყენეთ თუ მის გარეშე ვერ იზიდებით, ან ბოლო გამეორებებში, როცა იღლებით)

მსგავსი ვარჯიშები: ბლოკის მოზიდვა ფართო მოჭიდებით.