4 ყველაზე მნიშვნელოვანი ვიტამინი კუნთის ზრდისთვის.

ვიტამინი C – კვლევებით დადგინდა, რომ ვიტამინი C-ს ნაკლებობა იწვევს კუნთების დაკარგვას, ხოლო თუ მივიღებთ დღეში 100-150 მგრ. C ვიტამინს, დაგვეხმარება კუნთის ზრდაში.

ვიტამინ C-ს შეიცავს: ციტრუსები, ვაშლი, ანანასი, პომიდორი, ბულგარული წიწაკა, კივი, მარწყვი, კომბოსტო, ბროკოლი, ხახვი, ოხრახუში და სხვ. მაგ. ერთი კივი აკმაყოფილებს ვიტამინი C-ს დღიურ ნორმას.

ვიტამინი D – რომელიც მნიშვნელოვანია კალციუმის და ფოსფორის ასათვისებლად. კალციუმი უზრუნველყოფს კუნთების სრულფასოვან შეკუმშვას, ხოლო ფოსფორი კუნთების აქტიურ მუშაობას, რომელიც თავის მხრივ საჭიროა ატფ-ის რესინთეზისათვის.

ვიტამინ D–ს შეიცავს: კვერცხი, ღვიძლი,ცხიმიანი თევზი, ორაგული, სოკო, რძის პროდუქტი და სხვ. მაგრამ იმისათვის, რომ მივიღოთ ვიტამინი D-სდღიური ნორმა საკვებიდან, მაგ. კვერცხიდან, უნდა ვჭამოთ 12 კვერცხი, რაც არც ისე კარგი აზრია. ვერც მზის სხივებიდან მივიღებთ ვიტამინი D-ს დღიურ ნორმას, ამიტომ დღიური ნორმის შესავსებად გვრჩება დანამატის სახით მისი მიღება.

ვიტამინი A – წარმოადგენს ძლიერ ანტიოქსიდანტს, რომელიც ებრძვის თავისუფალ რადიკალებს. ვიტამინი A ძალიან მნიშვნელოვანია ცილის სინთეზისათვის, ასევე მონაწილეობს გლიკოგენის წარმოებაში.

ვიტამინ A–ს შეიცავს: თევზი, ღვიძლი, ნაღების კარაქი, კვერცხი, ყველი, ხურმა, სტაფილო, ასკილი, გარგარი, ქლიავი, გოგრა, ყვითელი პომიდორი და სხვ.

ვიტამინი E – ესეც ანტიოქსიდანტია,ხელს უწყობს კუნთის უჯრედების აღდგენას და პირდაპირ გავლენას ახდენს უჯრედების მემბრანის სიმტკიცეზე.      

ვიტამინ E–ს შეიცავს: ზეთები, თხილეული, ავოკადო, ღვიძლი, გარგარი, ქლიავი, ასევე არის ფაფებში და მწვანე ბოსტნეულში.

ესენია ყველაზე მნიშვნელოვანი ვიტამინები, რომლებიც გვეხმარებიან კუნთის მასის მომატებაში. დიეტოლოგები გვირჩევენ მივიღოთ ეს ვიტამინები საკვებიდან და თუ ვერ ვიღებთ საკმარისად საკვებიდან, მაშინ უნდა მივიღოთ დანამატების სახით.