მიზეზები, თუ რატომ ვერ ზრდით მხრებს.

1. ბევრ დროს უთმობთ წინა დელტებს და არასაკმარისად ტვირთავთ შუა და უკანა დელტებს.

დაიწყეთ მხრების ვარჯიში უკანა დელტებით, ასე შეძლებთ მეტი წონებით ვარჯიშს, ვიდრე ვარჯიშის ბოლოს, დაღლილზე.

2. არ ზრდით სავარჯიშო წონებს მხრების ვარჯიშებში.

წონების პროგრესია კუნთის ზრდის მთავარი ფაქტორია. ეცადეთ მხრების ვარჯიშებში თანდათან მოუმატოთ წონებს, ზოგჯერ გამოიყენეთ ჩიტინგი.

3. არ იყენებთ დატვირთვების პერიოდიზაციას.

თუ კი მუდმივად უმატებთ წონებს, პროგრესი შეჩერდება, ამიტომ მძიმე ვარჯიში დიდი წონებით და მცირე გამეორებით პერიოდულად შეცვალეთ მსუბუქი, პატარა წონებით მრავალგამეორებიანი ვარჯიშით.

4. მხრების ვარჯიშებს აკეთებთ ვარჯიშის ბოლოს.

თუ გინდათ მხრების გაზრდა, ჯობია ვარჯიში დაიწყოთ მხრებით, ან მხრებს დაუთმოთ ცალკე დღე.

5. არასრული ამპლიტუდა ვარჯიშებში.

განსაკუთრებით ეს ეხება განტელების აწევას თავს ზევით, ამ ვარჯიშში ჩამოშვებისას ჯობია განტელები ჩამოიტანოთ ყურებს ქვევით. ზედა ფაზაში უფრო მეტად ერთვება ტრიცეფსები.

6. მხრების ვარჯიშებში ტრაპეციების ჩართვა.

მხრების ბევრ ვარჯიშში ზოგიერთები უფრო მეტად ტვირთავენ ტრაპეციულ კუნთებს, ვიდრე თავად დელტებს, შედეგად ტრაპეციები უფრო ეზრდებათ, ვიდრე მხრები. ეს რომ არ მოხდეს მხრების ვარჯიშის წინ ერთი წუთის განმავლობაში გაწელეთ ტრაპეციული კუნთები, ამით აქვეითებთ ტრაპეციულების აქტივაციას ერთი საათის განმავლობაში. ხოლო განტელების გვერდზე აქნევისას ხელები კარგად გაშალეთ განზე და არ აწიოთ განტელები მხრებზე ზევით.

7. არასაკმარისი ვარჯიშების საერთო მოცულობა მხრებზე.

მხრების მხოლოდ კვირაში ერთხელ ვარჯიში შეიძლება არ იყოს საკმარისი მხრების გასაზრდელად. თუ კი აქამდე მხრებზე აკეთებდით 9 მისვლას კვირაში, სცადეთ გაზარდოთ ვარჯიშის მოცულობა 12-15 მისვლამდე კვირაში.