როგორ შევცვალოთ დუნდულების ფორმა?

როგორ უნდა გაიგოთ, რა ფორმის დუნდულები გაქვთ.

არსებობს დუნდულების 4 ფორმა – ეს არის გულის, კვადრატის, ამოტრიალებული სამკუთხედის და წრის  ფორმა. რომ დაადგინოთ, რომელი ფორმის დუნდულები გაქვთ, ჯობია გადაიღოთ სურათი უკნიდან დაძაბვის გარეშე, ფეხები ერთად.

სავარჯიშო პროგრამა დუნდულებისთვის უნდა შედგეს მისი ფორმის გათვალისწინებით. მაგ. ვისაც აქვს გულის ფორმის დუნდულები, მათ აქვთ დუნდულების ზედა ნაწილი უფრო ვიწრო, ვიდრე ქვედა და ბარძაყებზე გვერდზე გამოშვერილი „ყურები“, ამიტომ ვარჯიშზე აქცენტი უნდა გაკეთდეს დუნდულების ზედა ნაწილზე. ამისათვის უნდა გააკეთოთ მეტი ვარჯიში შუა დუნდულა კუნთზე მაგ. ფეხების განგაშლა, გვერდზე აქნევები, დამატებითი დატვირთვისთვის შეგიძლიათ გამოიყენოთ რეზინის სარტყელი ხიდის და ჩაჯდომების შესრულებისას. ამავე დროს არ გადააჭარბოთ ბაზისურ ვარჯიშებში, ჩაჯდომებში, ან სიმძიმით ნაბიჯებში, ვინაიდან ეს უფრო გაზრდის ბარძაყის გვერდებს და დუნდულების ქვედა ნაწილს.

ამოტრიალებული სამკუთხედის ფორმის დუნდულების მქონე გოგოებმა უნდა გააკეთონ ყველაფერი პირიქით. დუნდულების ქვედა ნაწილი და ბარძაყები ნაკლებად მოცულობითია, ხოლო ცხიმი მეტად გადანაწილებულია ზედა ნაწილში. ამ შემთხვევაში აქცენტი უნდა გაკეთდეს ბაზისურ ვარჯიშებზე: ჩაჯდომები, ნაბიჯები, ამოწევები, კუბზე ასვლა, ბულგარული ჩაჯდომა და ა.შ. ხოლო შუა დუნდულა კუნთებზე ვარჯიშები უნდა შევამციროთ მინიმუმამდე. ეს პროგრამა შეუძლიათ გამოიყენონ იმათაც, ვისაც უნდა დუნდულების გაზრდა.

კვადრატული ფორმის დუნდულების მქონე გოგოებს უფრო ხშირად აქვთ ღრმულები (ორმოები) გვერდებზე. ასევე უკნიდან დუნდულები შეიძლება ჩანდეს ბრტყელი. ამიტომ სავარჯიშო პროგრამის შედგენისას აქცენტი გააკეთეთ ამ ვარჯიშებზე: ხიდი, ფეხის უკან აქნევები, ჰიპერექსტენზიები, სკამზე მუცელზე დაწოლილი ფეხების ზევით აწევა რეზინით, თანაბრად უნდა დაიტვირთოს დუნდულების ყველა ნაწილი და ფეხები. გოგოებმა ნებისმიერი ტიპის დუნდულებით, ვისაც გაქვთ ორმოები გვერდებზე, ჯობია ივარჯიშოთ ასე.

წრის ფორმის დუნდულების მქონე გოგოებს როგორც წესი არ აქვთ პრობლემური ზონები. მათ არ შეიძლება ქონდეთ ორმოები გვერდებზე ძვლების განლაგების გამო. მათ უნდა ავარჯიშონ როგორც შუა დუნდულა კუნთები, ასევე ბარძაყები პრიორიტეტების გათვალისწინებით. თუ არ გაქვთ პრიორიტეტები, მაშინ უნდა ივარჯიშოთ ისე, როგორც კვადრატის ფორმის დუნდულების მქონე გოგოებმა, თანაბრად უნდა დაიტვირთოს დუნდულების ყველა ნაწილი და ფეხები. მაგ. თუ ერთ ვარჯიშზე გაქვთ 6 ვარჯიში, მაშინ 2 ვარჯიში უნდა იყოს აქცენტით დიდ დუნდულა კუნთზე, 2 ფეხებზე და 2 შუა დუნდულა კუნთზე.

შეიძლება თუ არა შევცვალოთ დუნდულების ფორმა?

რა თქმა უნდა თუ თავიდანვე გაქვთ სამკუთხედის ან კვადრატის ფორმის დუნდულები, თქვენ ვერ მიიღებთ იდეალურ წრეს, იმიტომ რომ დუნდულების ფორმა დამოკიდებულია ძვლების განლაგებაზე, მაგრამ პრაქტიკაში სწორი ვარჯიშით და კვებით შესაძლებელია დუნდულების ფორმის გაუმჯობესება ცხიმის და კუნთის ხარჯზე. მაგ. თუ თავიდანვე გაქვთ ცხიმის დიდი შემცველობა და სუსტი კუნთები, სწორი მიდგომით შესაძლებელია რამოდენიმე თვეში თქვენი დუნდულები ვეღარ იცნოთ.