10 რჩევა კვებაზე მასის სწრაფად მოსამატებლად.

1. ყურადღება მიაქციეთ არა მარტო კალორიებს, არამედ ცცნ-საც.

მოდით შევადაროთ 2 ვარიანტი: ვთქვათ პირველ შემთხვევაში მიირთვით 160 გრამი კაკალი, საიდანაც მიიღეთ 83 გრ. ცხიმი, მხოლოდ 40 გრ. მცენარეული ცილა, 21 გრ. ნახშირწყალი, ჯამში 1000 კკალ. მეორე შემთხვევაში შეჭამეთ 200 გრ. ქათმის ხორცი, 200 გრ. წიწიბურა, 50 გრ. ავოკადო და 200 გრ. ბროკოლი, აქაც ჯამში 1000 კკალორიაა, მაგრამ ორგანიზმმა მიიღო 47 გრ. ცხოველური ცილა, 18 გრ. ცხიმი, 120 გრ. ნახშირწყალი.

ასეთი დაბალანსებული კვება უფრო მეტად მოგამატებინებთ კუნთურ მასას, ვიდრე კვების პირველი ვარიანტი.

2. ყველაზე მეტი საკვები უნდა მიიღოთ საუზმეზე და ვარჯიშის მერე.

რადგან ამ დროს გააქტიურებულია კატაბოლური პროცესები და მის შესაჩერებლად საჭიროა საკმარისი რაოდენობის საკვების მიწოდება.

3. მთავარი საკვები რაციონში არ უნდა იყოს მხოლოდ ცილა.

მასის მოსამატებლად საჭიროა ასევე ნახშირწყლებიც და ცხიმიც. ცილა საკმარისია 1 კგ. მასაზე 1.5 გრ. ხოლო ნახშირწყალი 3 გრ-დან 5 გრამამდე. ცხიმიც ასევე აუცილებელია მომატებისთვის, თუ არ მივიღებთ საკმარისი რაოდენობით ცხიმს, მაშინ დაეცემა ტესტოსტერონის დონე. ამიტომ ცხიმი მიიღეთ 1 გრ-მდე 1 კგ. მასაზე.

4. ჭამე როცა საჭიროა და არა მხოლოდ როცა გშია.

დღის განმავლობაში მისაღები ცცნ გაანაწილე 4 ჯერად კვებაზე და ჭამე იმის მიუხედავად, გშია თუ არა.

5. არ იყიდო იაფიანი უხარისხო გეინერი.

ასეთ გეინერში არის ჩვეულებრივი შაქარი, ან მალტადექსტრინი, რომელსაც მაღალი გ. ი. აქვს.

შეგიძლიათ მოამზადოთ გეინერი სახლის პირობებში, ამისათვის იყიდეთ პროტეინი, ერთი პორცია გახსენით რძეში, დაამატეთ ბანანი, შვრია, არაქისის კარაქი და დააბლენდერეთ.

6. ვარჯიშამდე 2 საათით ადრე ნახშირწყლებთან ერთად მიიღე 20-30 გრ. ცილა.

ეს დააჩქარებს ცილის ათვისებას და ორგანიზმის აღდგენას ვარჯიშის მერე.

7. კვების რაციონი უნდა იყოს მრავალფეროვანი.

თუ მუდმივად ერთი და იგივე საკვებს იღებთ, ეს გამოიწვევს ვიტამინების ნაკლებობას, რაც თავის მხრივ იწვევს უმადობას.

8. დაგჭირდება მხოლოდ 2 სპორტული დანამატი, ვიტამინების კომპლექსი და კრეატინი.

ცცნ ჯობია შეავსოთ საკვებიდან. ორგანიზმში თუ ვიტამინები ნორმაშია, მაშინ აღდგენაც სწრაფად ხდება, მადაც უკეთესი გვაქვს და მასაც სწრაფად იზრდება.

9. არ შეავსოთ კალორაჟი შაქარით.

რადგან შაქარი ორგანიზმში იწვევს ინსულინის ჭარბად გამომუშავებას, რომელსაც შაქარი მიაქვს ცხიმში. რთული ნახშირწყლები კი გვეხმარება კუნთის მასის მომატებაში.

10. ატარე საკვები კონტეინერებით.

თუ არ გაქვს საშუალება დღის განმავლობაში მიიღო საკვები სახლის პირობებში, გამოიყენე კონტეინერები, რომ არ გაგიცდეს კვების მიღება.