ვარჯიშების შესრულების სხვადასხვა ხერხები

ძალისმიერი

პამპინგი

სტატიკა

სტატოდინამიური

ძალისმიერი ვარჯიში დინამიურია, შესრულების სიჩქარე შეიძლება იყოს დაბალიც და მაღალიც. ნეგატიურ ფაზაში ვაკონტროლებთ შტანგის დაშვებას, ხოლო აწევისას პოზიტიურ ფაზაში კუნთის შეკუმშვისას, აუცილებელია მაქსიმალური დაძაბულობა და მაქსიმალური სისწრაფე. ამიტომ შეკუმშვისას სიჩქარე ან საშუალოა, ან მაღალი. ამპლიტუდა სრული უნდა იყოს. კუნთის გათიშვა არ არის აუცილებელი, რადგან ენერგიის გამომუშავება ხდება ძირითადად კრეატინფოსფატით თავისუფალი კრეატინის მისაღებად. გათიშვა შეიძლება გამოყენებული იყოს როგორც ინტენსიურობის გაზრდის ერთერთი მეთოდი. მუშაობაში ერთვება გლიკოლიტური და მაღალზღვრული ბოჭკოები, როცა შტანგის წონა მაქსიმალურის 70-80%. ნატურალურად ვარჯიშისას სწორედ ამ სტილშია ვარჯიში რეკომენდირებული.

ვარჯიშის დანარჩენი სახეობები ხშირად გამოიყენება ფარმაკოლოგიის გამოყენებით.

პამპინგით ვარჯიშისას მოძრაობის ამპლიტუდა ყოველთვის მოკლეა, მოკლე ამპლიტუდა კეტავს სისხლძარღვებს და არ აძლევს საშუალებას რძემჟავას გამოვიდეს კუნთიდან. შესვენებისას კუნთს მიეწოდება დიდი რაოდენობით სისხლი, რითაც უჯრედებს მიეწოდება დიდი რაოდენობით ამინოები და ჰორმონები. აუცილებელია ასევე კუნთის გათიშვა, რა დროსაც გამოიყოფა დიდი რაოდენობით წყალბადის იონები. ვარჯიშის სიჩქარე უნდა იყოს სწრაფი, ბევრი გამეორებით და მოკლე ამპლიტუდით. მუშაობენ უმეტესწილად გლიკოლიტური ბოჭკოები, რადგან დაბალი სავარჯიშო წონის გამო მაღალზღვრული ბოჭკოები არ ერთვება მუშაობაში.

სტატიკური ვარჯიშისას არ გვაქვს მოძრაობა. სტატიკით შესაძლებელია ინტენსიურობის გაზრდა, რადგან მიიღწევა კუნთის ყველაზე ძლიერი გათიშვა. აუცილებელი არ არის კუნთის გათიშვა, თუმცა ხშირად მიყავთ გათიშვამდე. მუშაობენ როგორც გლიკოლიტური, ასევე მაღალზღვრული ბოჭკოები. მაგრამ ძირითადი დატვირთვა მოდის არა კუნთებზე, არამედ სახსრებზე და მყესებზე.