კუნთის ზრდის ფაქტორები

ამინომჟავები

ანაბოლური ჰორმონები

თავისუფალი კრეატინი

წყალბადის იონები

კუნთის სრულფასოვანი ჰიპერტროფიისთვის და დატვირთვებისადმი ადაპტირებისთვის აუცილებელია საჭირო რაოდენობის ამინომჟავები. ძალიან ბევრი ამინოებიც ვერ გამოიწვევს კუნთის სწრაფ ზრდას, ზედმეტი ცილა ორგანიზმის მიერ გამოყენებული იქნება როგორც ენერგიის წყარო.

არსებობს მხოლოდ 3 ანაბოლური ჰორმონი, რომელიც მოქმედებს კუნთის ზრდაზე: ტესტოსტერონი, ზრდის ჰორმონი და ინსულინი. ყველაზე ძლერი ანაბოლური ჰორმონია ტესტოსტერონი, ზრდის ჰორმონი უფრო ძვლების და ძვალ სახსროვანი სისტემის ზრდისთვისაა. ინსულინი მემბრანების შეღწევადობას ზრდის სხვადასხვა ელემენტებისთვის (ჰორმონებისთვის და საკვები ნივთიერებებისთვის).

თავისუფალი კრეატინი წარმოიქმნება კუნთის მუშაობისას კრეატინკინაზური რეაქციის დროს, ენერგოწარმოების ფოსფოგენური გზა, რითაც ვიღებთ ატფ-ს და თავისუფალ კრეატინს სარკოპლაზმაში. თავისუფალი კრეატინი აღაგზნებს ცილის სინთეზს კუნთის ბოჭკოებში.

წყალბადის იონები წარმოიქმნება რძემჟავას დაშლის შედეგად. წყალბადის იონები შლიან ცილის მეოთხეულ და მესამეულ სტრუქტურებს, ეს იწვევს ფერმენტების აქტიურობის ცვლილებას და აადვილებს ჰორმონების წვდომას უჯრედის დნმ-თან. მეორეს მხრივ წყალბადის იონების ძალიან დიდი კონცენტრაცია შლის თავად უჯრედს, რაც ნატურალურ ბბ-ში მნიშვნელოვანი ხელის შემშლელი ფაქტორია. ხოლო სტეროიდების მიღებისას წყალბადის იონების დიდი კონცენტრაცია პირიქით, უკეთესად ზრდის კუნთს. ამიტომ პროფესიონალ ბბ-ებს უყვართ პამპინგის სტილში მოკლე ამპლიტუდით ვარჯიში, ამ დროს დიდი რაოდენობით რძემჟავა გროვდება, რაც როგორც ავღნიშნეთ კუნთის ზრდას უწყობს ხელს. ამიტომ ვინც ნატურალია, მას არ აწყობს ძალიან დიდი რაოდენობის წყალბადის იონები და პამპინგით ხანგრძლივი ვარჯიში, რადგან ამან შეიძლება გამოიწვიოს კუნთის დაშლა.

დასკვნა: ნატურალებისთვის მნიშვნელოვანია წყალბადის იონების ზომიერი რაოდენობა და თავისუფალი კრეატინის გამოყოფა.