კუნთის ბოჭკოები. (თეორიული ნაწილი)

კუნთის ბოჭკოები.

სწრაფი/თეთრი – ესენი იყოფა კიდევ „ა“ და „ბ“ ქვეტიპებად. მაგ. ჩიტს აქვს მკერდის ტიპიური თეთრი ბოჭკოები, იმიტომ რომ ასაფრენად სჭირდება ერთი ძლიერი ფეთქებადი მოძრაობა.

„ა“ ტიპი განთავსებულია ყველაზე ღრმად მყესებთან ახლოს, რომელიც გვაძლევს ძირითად მასას და მოცულობას, მაგრამ ისინი არ გვაძლევენ ზედაპირულ ფორმებს, იმიტომ რომ არიან ძალიან ღრმად განლაგებული. იზრდებიან ძალიან ნელა, მაგრამ იზრდებიან გაცილებით მეტად და გვაძლევს დიდ მოცულობას. მათი ვარჯიშისთვის საჭიროა 1-2 მისვლა 8 გამეორებამდე მძიმე წონებით. გვექნება ნელი პროგრესი, ანუ დიდხანს იზრდება კუნთი და ნელა პატარავდება. ამ ტიპის ბოჭკოები არის ყველაზე ძლიერი, მაგრამ არ აქვს გამძლეობა და მალე იღლება. ამ ბოჭკოებზე უნდა იმუშავონ გამხდარმა, ეკტომორფმა და მეზომორფმა გოგოებმა. პროგრესისთვის საჭიროა ხანგრძლივი (1 წელი) ვარჯიში.

„ბ“ ტიპის ბოჭკოები ზედაპირული ფენაა და უკეთესად ჰიპერტროფირდება, ეს ბოჭკოები გვაძლევენ რელიეფს და მრგვალ გამოკვეთილ ფორმებს. რელიეფი არ გვექნება, თუ არ გვაქვს განვითარებული ბოჭკოების ეს ფენა. მათი ვარჯიშისთვის საჭიროა 3-5 მისვლა 18 გამეორებამდე საშუალო წონებით. აქ გვაქვს სწრაფი პროგრესი და შესაბამისად სწრაფი რეგრესიც. ამ ტიპის ბოჭკოებს აქვთ უკეთესი გამძლეობა, ვიდრე „ა“ ტიპის ბოჭკოებს, ამას ძალისმიერ გამძლეობას უწოდებენ. მაგ. 15 გამეორებაზე როცა გვეწყება კუნთის წვა. ამ ბოჭკოებზე უნდა იმუშავონ მეზომორფმა გოგოებმა.

ნელი/წითელი – ეს ბოჭკოები ასრულებენ დაბალი ინტენსიურობის მუდმივ მონოტონურ სამუშაოს. აქ არ გვაქვს კუნთის ზრდა. მრავალჯერადი გამეორებები 30-ზე ზევით. დაბალ ინტენსიური, ნელი (მკვეთრი მოძრაობების გარეშე) ვარჯიში წონის გარეშე, არ უნდა იყოს კუნთის წვის შეგრძნება. მათთვის, ვისაც არ უნდა კუნთის ზრდა. გვაძლევს ტონუსს და ფორმას, მაგრამ მოცულობას არ გაზრდის. მაგ. გამხდარ გოგოს თუ უნდა დუნდულების გაზრდა, მრავალჯერადი გამეორება არ გამოადგება. მაგრამ თუ მსხვილი გოგო გააკეთებს ჩაჯდომებს ბევრი გამეორებით და იმავდროულად დაიცავს კვებას, დაიწყებს გახდომას და საჯდომი მიიღებს ფორმას (იმიტომ რომ „ბ“ ტიპის ბოჭკოები მაინც ერთვება მუშაობაში). ამიტომ მრავალჯერადი გამეორებები (სწორ კვებასთან ერთად) ერთი მისვლით მათთვისაა ეფექტური, ვისაც აქვს დიდი ბარძაყები, აქვს ზედმეტი წონა და ჯერ არ იცის როგორი ფორმები აქვს ცხიმის ქვეშ.  

შუალედური – დიდ როლს არ თამაშობს სხეულის მშენებლობაში. მათ აქვთ უნარი გარდაიქმნან ან სწრაფ ბოჭკოებად (მაგ, მასაზე ვარჯიში), ან ნელ ბოჭკოებად (მაგ. გამძლეობაზე ვარჯიში), გამომდინარე იქიდან, თუ როგორ ვვარჯიშობთ.