როგორ ვებრძოლოთ უძილობას.

მთავარი ფაქტორი, რომელიც განსაზღვრავს ძილის ხარისხს, არის ძილის ჰორმონი მელატონინი, რომელიც გამომუშავდება სიბნელეში. ეპიფიზი გარდაქმნის სეროტონინს მელატონინში. შუქი თიშავს მელატონინის გამომუშავებას. მელატონინი სასიცოცხლოდ მნიშვნელოვანია იმუნური სისტემისათვის, ის ასევე ძალიან ძლიერი ანტიოქსიდანტია, ებრძვის თავისუფალ რადიკალებს და ამით შეუძლია გაგვიხანგრძლივოს სიცოცხლე. ასაკის მატებასთან ერთად მელატონინის გამომუშავება მცირდება. უძილობა სხვა დაავადებებთან ერთად  იწვევს ელასტიურობის დაკარგვას, ტკივილს და ანთებას.

მელატონინის გამომუშავებისთვის ჯობია დავიძინოთ როცა ბნელდება, 22-23 საათისთვის.

როგორ გავაუმჯობესოთ მელატონინის სინთეზი ორგანიზმში:

1. როცა წვებით დასაძინებლად, გამორთეთ შუქი და ყველა ხელსაწყო, რომელიც ანათებს.

2. ფტორი, რომელიც ონკანის წყალშია, ხელს უშლის ეპიფიზის მუშაობას, ამიტომ დააყენეთ წყლის ფილტრი.

3. ტელევიზორის, კომპიუტერის ცისფერი შუქი ამცირებს მელატონინის გამომუშავებას. იყიდება სპეციალური სათვალეები ცისფერი შუქის ფილტრით, ან კომპიუტერზე დააყენეთ სპეციალური პროგრამა.

4. დღისით მეტი დრო გაატარეთ მზის სხივების ქვეშ, გამომუშავდება მეტი ვიტამინი D, რომელიც მელატონინის ანტაგონისტია, დღისით ის თიშავს მელატონინის გამომუშავებას, რათა ღამით უკეთესად გამომუშავდეს.

5. თავი აარიდეთ სტრესს, კორტიზოლიც ხელს უშლის მელატონინის გამომუშავებას.

6. კოფეინი და ალკოჰოლიც ბლოკავს მელატონინის გამომუშავებას.

7. სიბნელესთან ერთად მელატონინის გამომუშავებას ასტიმულირებს სიცივეც, ამიტომ საძინებელში ჯობია იყოს სიგრილე.

8. მელატონინის გამომუშავებას და ღრმა ძილის ფაზას ხელს უშლის ელექტრო-მაგნიტური ველი. შედეგად ჩვენ კი გვძინავს, მაგრამ ორგანიზმი ვერ ისვენებს. საჭიროა ყველა ელექტრო მოწყობილობა გამოვრთოთ შტეფსელიდან, ხოლო მობილური ტელეფონი დავტოვოთ რაც შეიძლება შორს საწოლიდან, ან გადავიყვანოთ ფრენის რეჟიმში.