რატომ ვერ ვიკლებთ შიმშილობის დროს.

ადამიანის ორგანიზმი მიჩვეულია შიმშილს, უხსოვარი დროიდან მას უწევდა შიმშილთან შეგუება, ამიტომ ჩვენ ორგანიზმში ჩამოყალიბდა ადაპტაციური მექანიზმები გადარჩენისათვის. ეს მექანიზმები ერთვება როგორც კი ვიწყებთ შიმშილს, იწყება ჰორმონალური ადაპტაცია.

როცა გვინდა გახდომა, ჩვენ ვიწყებთ კალორიების შემცირებას და ვარჯიშს, იწყება ცხიმის წვა. ორგანიზმს არ უყვარს მარაგების კარგვა, ამიტომ ჰორმონები ანელებენ მეტაბოლიზმს და ცხიმის წვა ჩერდება. დაბალ ნახშირწყლოვანი დიეტის, ან შიმშილის დროს პირველ რიგში იწურება გლიკოგენის მარაგი, რომელიც აკავებს წყალს, ამიტომაა, რომ თავიდან ადვილად ვიკლებთ პირველ 4-5 კგ-ს წყლის ხარჯზე. ამის მერე დგება პლატო, რაშიც მთავარი დამნაშავე არის ინსულინი. თუ ინსულინი მაღალია თქვენ ვეღარ წვავთ ცხიმს.

ინსულინის დონე რომ მცირდება ამას შევატყობთ მადაზე, თუ მადა მცირდება, ე. ი. ინსულინი შემცირდა.

რა გავაკეთოთ, რომ დავწიოთ ინსულინი:

1. გაზარდეთ შიმშილობის პერიოდი. არ ჭამოთ თუ არ გშიათ და მიიღეთ მეტი ცხიმი (75 გრ-მდე), რომ უფრო დიდხანს გაუძლოთ შიმშილს.

2. შეამცირეთ ნახშირწყლების რაოდენობა კიდევ უფრო მეტად. ზოგ პროდუქტში არის ფარული შაქრები, ან შეიცავს გლუტამატს რომელიც ასტიმულირებს ინსულინს.

3. მოერიდეთ სტრესს. სტრესზე გამოიყოფა კორტიზოლი, რომელიც შლის კუნთის ცილას და გარდაქმნის შაქრად და წევს ინსულინს ზევით. ანალოგიურად გარდაქმნის ცხიმის კეტონებს შაქრად.

4. იძინეთ მეტი. გამოუძინებლობა ზრდის შაქრის დონეს სისხლში, გიძლიერდებათ შიმშილის გრძნობა.

5. არ მიიღოთ ტრანსცხიმები.

6. ივარჯიშეთ შიმშილის დროს.

7. ზოგიერთი წამალი იწვევს ინსულინრეზისტენტობას, ექიმის რეკომენდაციით შეცვალეთ ეს წამლები სხვა პრეპარატებით.

ხანგრძლივი (ერთკვირიანი) შიმშილობის დროს არის კუნთის დაწვის საშიშროება. ამ დროს პროტეინის ნაცვლად უმჯობესია ამინომჟავების კომპლექსის, ასევე ვიტამინების და მიკროელემენტების მიღება. არსებობს ამინომჟავების ათვისების მაჩვენებელი სხვადასხვა ცილოვანი საკვებისთვის. ანუ ამინომჟავების რამდენი % აითვისება სხვადასხვა ცილოვანი საკვებიდან, დანარჩენი გამოიყენება როგორც საწვავი გლუკოზის სახით. ამიტომ შიმშილობის დროს ცილის მიღებისას ნახევარზე მეტი ამინოები გარდაიქმნება გლუკოზად. მაგ:

1. კვერცხიდან აითვისება 48%

2. თევზიდან და ხორციდან 32%

3. სოიოდან 17%

4. შრატის პროტეინიდან (ინსულინური ინდექსიც ამ პროტეინს უარესი აქვს) 16%

5. ამინომჟავების კომპლექსიდან 99%