სავარჯიშო კომპლექსი მუცლის და გვერდების მოსაშორებლად.

1. ჩაჯდომა

ფეხები განზე, ხელები თავს უკან კეფაზე შემოწყობილი, ვაკეთებთ ჩაჯდომებს.

2. დიაგონალური გრეხები ფეხზე დგომში, საპირისპირო მუხლის და იდაყვის შეერთება

ფეხები განზე, ხელები თავს უკან კეფაზე, ვწევთ მარჯვენა მუხლს ზევით და ვეხებით მარცხენა იდაყვს ტანის შემობრუნებით.

3. ახტომა ხელების და ფეხების შეერთებით ჩაჯდომასთან ერთად

სუმოს სტილში ჩამჯდარი ხელებით ვეხებით იატაკს, ახტომასთან ერთად ფეხების და ხელების თავს ზევით შეერთება, დახტომასთან ერთად ფეხები განზე და შუაში ხელებით ვეხებით იატაკს.

4. ხის ტოტის დამტვრევა მუხლზე

ფეხები განზე, ხელები თავს ზევით, ამოსუნთქვაზე ვწევთ მუხლს ზევით და ტანის შემობრუნებით ხელებით ვაკეთებთ მოძრაობას, თითქოს ტოტი გვინდა დავამტვრიოთ მუხლზე.

5. ნაბიჯი უკან

ფეხების მონაცვლეობით ვაკეთებთ ნაბიჯს უკან და მუხლს ვახებთ იატაკს, მეორე მუხლს ვახებთ საპირისპირო იდაყვს.

6. ფეხების აქნევა დიაგონალურად

ფეხები განზე, ხელები კეფაზე, ავიქნიოთ მარჯვენა ფეხი ზევით და შევახოთ მარცხენა ხელისგული ტერფის თითებს, მერე მეორე ფეხი ავიქნიოთ.

7. ხელებით იატაკზე სიარული პლანკასთან ერთად

ფეხზე დგომიდან ვიხრებით წინ ხელებს ვახებთ იატაკს და მივდივართ წინ ხელებით, გამართულ ხელებზე პლანკას ვაფიქსირებთ და მოვდივართ უკან, ვიმართებით მთელი ტანით.

8. გვერდითა გრეხები ჩაჯდომასთან ერთად

ფეხები განზე, ხელები კეფაზე, ავიქნიოთ მარჯვენა მუხლი გვერდზე ზევით და შევახოთ მარჯვენა იდაყვს, ჩამოვუშვათ ფეხი და ჩავჯდეთ,იგივე გავაკეთოთ მეორე მხარეს.

9. პლანკა გამართულ ხელებზე და მუხლის მიტანა საპირისპირო იდაყვთან.

10. პლანკა იდაყვებზე.

აქტიურად ვამუშავებთ მუცლის კუნთებს. ჩაისუნთქეთ და ამოსუნთქვაზე მაგრად დაჭიმეთ მუცლის კუნთები. 

ყველა ვარჯიში კეთდება 40 წმ-ის განმავლობაში, შესვენება 20 წმ.

ეს კომპლექსი დაგეხმარებათ მუცელზე და გვერდებზე ცხიმის მოცილებაში.