როგორ გავზომოთ კანქვეშა ცხიმი კალიპერით.

სასწორი არ გვიჩვენებს ფიზიკური ფორმის მთლიან სურათს. წონა სიმაღლესთან მიმართებაში შეიძლება დამაკმაყოფილებელი იყოს, მაგრამ არ ვიყოთ კარგ სპორტულ ფორმაში, გვქონდეს ბევრი ცხიმი და ცოტა კუნთი. ჩვენი ამოცანაა გავზარდოთ მეტი კუნთური მასა და მინიმუმამდე შევამციროთ ცხიმი. ამისათვის მნიშვნელოვანია ვიცოდეთ რამდენ პროცენტს შეადგენს კანქვეშა ცხიმი ორგანიზმში.

არსებობს ორგანიზმში ცხიმის შემცველობის გაზომვის რამოდენიმე მეთოდი, რომელთგან ერთერთი ყველაზე მარტივი და შედარებით ზუსტი მეთოდია კალიპერით კანქვეშა ცხიმის გაზომვა. ზუსტი გაზომვისთვის დაგვჭირდება დამხმარე, რომელიც გამოწევს კანს ცხიმთან ერთად, ამ დროს კუნთი უნდა იყოს დაჭიმული. მამაკაცებისთვის კალიპერით ვიღებთ მაჩვენებლებს 3 წერტილში: მკერდზე (იღლიასა და ძუძუს თავს შორის), მუცელზე (ჭიპიდან 3 სმ-ზე) და ბარძაყზე (ყველაზე მსხვილ ადგილზე შუაში). მერე ვაჯამებთ მონაცემებს და გამოგვყავს საშუალო არითმეტიკული მაჩვენებელი.

თუ კალიპერის საშუალო მაჩვენებელი 6 მმ. მაშინ ცხიმის %-ლი შემცველობა 5-8%-ია

13 მმ = 9-13 %

19 მმ = 14-18 %

25 მმ = 19-23 %

38 მმ = 24-27%

51 მმ = 28-32 %

60 მმ-ზე მეტი = 33%-ზე მეტი

ამ მეთოდით შეიძლება ზუსტად ვერ დაადგინოთ რამდენია კანქვეშა ცხიმი, მაგრამ თუ პერიოდულად კალიპერით გაზომავთ კანქვეშა ცხიმს, თქვენ გეცოდინებათ რა მიმართულებით მიდიხართ, მცირდება თუ არა კანქვეშა ცხიმი, რასაც ვერ გაიგებთ სასწორით, რადგან წონა შეიძლება დაიკლოთ წყლის, ან კუნთის ხარჯზე.

ცხიმის შემცველობის პროცენტის კალკულატორი: https://beregifiguru.ru/%D0%9A%D0%B0%D0%BB%D1%8C%D0%BA%D1%83%D0%BB%D1%8F%D1%82%D0%BE%D1%80%D1%8B/%D0%A0%D0%B0%D1%81%D1%87%D0%B5%D1%82-%D0%BF%D1%80%D0%BE%D1%86%D0%B5%D0%BD%D1%82%D0%B0-%D0%B6%D0%B8%D1%80%D0%B0