რატომ არის მუცელი წინ გამოწეული და რა იწვევს ჰიპერლორდოზს.

როცა იცავთ სწორ კვებას, მაგრამ მუცელი მაინც წინ არის გამოწეული, ეს სუსტი დუნდულა და მუცლის კუნთების ბრალია, რაც გამოწვეულია მჯდომარე ცხოვრების წესით. სუსტი დუნდულა და მუცლის კუნთები იწვევს მენჯების წინ გადახრას, რაც მუცელს წევს წინ და წელს ზედმეტად ზნიქავს შიგნით (ჰიპერლორდოზი), საჯდომიც გამოწეულია. ამის გამო მცირდება მუცლის შიდა წნევა, შინაგანი ორგანოები დაბლა ეშვება და ტკივდებათ წელი, შედეგად მუცელი გამოდის წინ. ამ პრობლემებს თავიდან აიცილებთ, თუ ყოველდღე გააკეთებთ მუცლის პრესის ვარჯიშებს, ვაკუუმს და ხიდს იატაკზე დაწოლილ მდგომარეობაში.

იატაკზე დააფინეთ ხალიჩა, დაწექით ზურგზე, ფეხები დადგით მთლიანი ტერფით დივანის კიდეზე, მუხლებში კუთხე უნდა იყოს 90 გრადუსი და დაიწყეთ ხიდის გაკეთება დუნდულების დაჭიმვით. გააკეთეთ 100 გამეორება, თუ გაგიჭირდათ თავიდან დაყავით 3 სერიად. როცა გაგიადვილდებათ ამ ვარჯიშის შესრულება, შეგიძლიათ გაართულოთ და გააკეთოთ ცალ ფეხზე 50-50 გამეორება თითო ფეხზე 2 სერიად.

მუცლის პრესის და ვაკუუმის ვარჯიშებზე წაიკითხეთ საიტზე tidanigym.ge

ამ ვარჯიშებით მენჯები ბრუნდება თავის ადგილზე, ხდება წელის განტვირთვა და შინაგანი ორგანოები ბრუნდება თავის ადგილზე.