ბოდიბილდინგი: 6 წესი დამწყებთათვის.

1. ყურადღება მიაქციეთ ვარჯიშის შესრულების ტექნიკას. ხშირად დამწყებები ვარჯიშობენ დიდი წონით და წარმოდგენა არ აქვთ ამ ვარჯიშით რომელი კუნთები უნდა ავარჯიშონ. შედეგად მიზნობრივი კუნთების ნაცვლად იტვირთება სახსრები, მყესები და სულ სხვა კუნთები, საჭირო კუნთი კი არ ვითარდება. ამიტომ, გააკეთეთ ვარჯიშის იმიტაცია წონის გარეშე, ისწავლეთ თქვენს წარმოდგენაში საჭირო კუნთების შეკუმშვა, ამ გზით უფრო მალე აითვისებთ ვარჯიშის ტექნიკას.

2. მუდმივად გაზარდეთ სავარჯიშო წონები. ბბ-გი არ არის ფიზკულტურა, რომ ივარჯიშოთ ერთი და იგივე წონით, შედეგისთვის კუნთმა უნდა მიიღოს სტრესი, ამიტომ მუდმივად უმატებთ წონებს, ოღონდ არა ტექნიკის ხარჯზე, ერთბაშად ბევრი არ დაამატოთ.

3. გააკეთეთ ვარჯიშები 6-12 გამეორებით. კუნთი ყველაზე კარგად ვითარდება ვარჯიშის 6-დან 12-მდე გამეორებით. ამიტომ, სავარჯიშო წონა ისე შეარჩიეთ, რომ მინიმუმ 6-ჯერ მაინც შეძლოთ ვარჯიშის გამეორება და 12 -ზე მეტი გამეორება ვერ შეძლოთ.

4. ივარჯიშეთ, როცა კუნთები უკვე დასვენებულია. ვარჯიშიდან რამდენიმე დღის დასვენების მერე, კუნთი ხდება უფრო ძლიერი, ამას ქვია სუპერკომპენსაცია. მაგრამ სუპერკომპენსაციას ვერ მიიღებთ, თუ კუნთებს არ მისცემთ დასვენების საშუალებას. სწორედ ამიტომ არ არის რეკომენდირებული ყოველდღე ვარჯიში.

5. გამოიყენეთ მხოლოდ შტანგა და განტელები. ვარჯიშის დაწყებიდან პირველ წელს დაივიწყეთ რომ არსებობს ტრენაჟორები. ივარჯიშეთ მხოლოდ შტანგით და განტელებით და მეტად აკეთეთ ბაზური ვარჯიშები.

6. ყოველდღე მიიღეთ მეტი რძე და რძის პროდუქტი.

კუნთის საშენი მასალაა ამინომჟავები, რასაც ორგანიზმი იღებს ცილების დაშლის შედეგად. ცილები კი დიდი რაოდენობით არის რძეში და რძის პროდუქტში. დღეში 1 ლ. რძე და ძილის წინ 100 გრამზე მეტი ხაჭო. საწყის ეტაპზე ეს სპორტული კვების დანამატებს შეგიცვლით.