კრეატინი გამძლეობისთვის.

კრეატინს ადამიანის ორგანიზმი შეიცავს ერთ კილოგრამ მასაზე 2 გრ. ოდენობით. ანუ, თუ თქვენი წონა 80 კგ–ია შეიცავს 160 გრ. კრეატინს. კრეატინის სინთეზი ხდება სამი ამინომჟავისაგან, ესენია: გლიცინი, არგინინი და მეთეანინი. თუ ეს ამინომჟავები არ არის საკმარისი ორგანიზმში, კრეატინის რაოდენობაც მცირეა.

კრეატინი კუნთის ბოჭკოებში კრეატინფოსფატის სახით ინახება და როცა კუნთის მუშაობისას იხარჯება ატფ –ის მარაგი, სწორედ ამ დროს კუნთის დასახმარებლად მოდის კრეატინფოსფატი, რომელიც ახდენს ატფ–ის რესინთეზს, რის შემდეგ კუნთი აგრძელებს მუშაობას. სწორედ ამიტომ ხდება სპორტული შედეგების გაუმჯობესება, როცა იყენებენ კრეატინს.

კრეატინი ორგანიზმში მოხვედრისას კუჭნაწლავის საშუალებით გროვდება კუნთის ქსოვილებში კრეატინფოსფატის სახით, რითაც იზრდება კუნთის გამძლეობა. კრეატინი დადებითად მოქმედებს გულის კუნთზე, განსაკუთრებით ინფარქტის შემდეგ გულის კუნთის აღდგენაში. ირიბად მოქმედებს ცხიმის მასაზე, ამცირებს მას. კრეატინი გამძლეობასთან ერთად ზრდის ძალას და კუნთოვან მასას. ის აკავებს წყალს კუნთის უჯრედებში, რითაც ზრდის კუნთის მოცულობას.

კრეატინის მიღების წესი.

არსებობს არა ერთი სტატია კრეატინით ჩატვირთვის ფაზის შესახებ, რაც მწარმოებლების მარკეტინგული სვლაა გაყიდვების გასაზრდელად. კრეატინის მიღების ყველაზე ოპტიმალური დროა დილით უზმოზე, ან ვარჯიშის შემდეგ ყურძნის წვენში, ან შაქრიან წყალში გაზავებული 5 გრამის ოდენობით. კრეატინი თუ ტაბლეტების სახითაა, ჯობია ვარჯიშამდე 45 წუთით ადრე მიიღოთ. კრეატინის ორთვიანი კურსის შემდეგ ისვენებთ ერთ თვეს, შემდეგ ისევ შეიძლება 2 თვიანი კურსის გამეორება. კრეატინის მიღების პერიოდში სვით ბევრი წყალი, 2-3 ლიტრი დღეში და ამ პერიოდში მოერიდეთ კოფეინის შემცველი პროდუქტების მიღებას.