კარტოფილი სპორტსმენებისთვის.

კარტოფილი შეიცავს რთულ ნახშირწყლებს. ღუმელში გამომცხვარ კარტოფილს, თუ შეჭამთ ვარჯიშამდე 30 წთ. ადრე, აწევს შაქრის დონეს სისხლში, მოგცემთ ძალას და ენერგიას ვარჯიშის დროს, ნაკლებად დაიღლებით. ვარჯიშის მერე თუ შეჭამთ, ნახშირწყლები სწრაფად აღადგენს გლიკოგენის მარაგს ორგანიზმში და დააჩქარებს აღდგენას.

მცირე ინფორმაცია კარტოფილის შემადგენლობაზე.

კარტოფილი შეიცავს ბევრ კალიუმს და სრულიად არ არის ნატრიუმი, რაც წნევის დარეგულირებას უწყობს ხელს. კარტოფილი არის C და B ჯგუფის ვიტამინების ტიამინის, მაგნიუმის და რკინის წყარო. ახალი კარტოფილი შეიცავს ბევრ, 21 მგ ვიტამინ C-ს 100 გრ–ში, 3 თვის შემდეგ მისი რაოდენობა მცირდება 9 მგ-მდე. თქვენ კარგავთ დიდი რაოდენობით ვიტამინ C-ს, როცა თლით და ჭრით კარტოფილს, ასევე როცა ხარშავთ. ბევრი ვიტამინი C ინახება კანის ქვეშ და კარტოფილის სასარგებლო შემადგენლობა რომ შეინარჩუნოთ, ის მოხარშეთ ან გამოაცხვეთ ღუმელში კანიანად.

თუ მაინც გინდათ კარტოფილის გათლა, ააცალეთ თხელი ფენა და გათალეთ უშუალოდ მოხარშვის წინ. დაასხით მდუღარე წყალი და ხარშეთ იმდენ ხანს, რამდენიც საჭიროა, რომ არ გადაიხარშოს. მოხარშვის მერე გადაასხით წყალი და მიიტანეთ სუფრასთან.

ვიტამინი C-ს შემცველობა მგ-ში, 200 გრამ კარტოფილში:

მოხარშული ახალი კარტოფილი – 32
მოხარშული ძველი კარტოფილი – 12
ღუმელში გამომცხვარი კარტოფილი – 16
(ვიტამინი C-ს დღიური ნორმა შეადგენს 60-70 მგ-ს.)
კალორიები კკალ: 80
ცილები გრ: 2.0
ცხიმები გრ: 0.4
ნახშირწყლები გრ. 18,1

აუცილებელია ვიცოდეთ მისი სწორად მომზადება, რისთვისაც გაითვალისწინეთ ეს რეკომენდაციები:

1. რადგან მოხარშვისას კარტოფილი კარგავს 10-დან 50%-მდე კალიუმს, ამიტომ მოხარშვას ჯობია ღუმელში გამოაცხოთ კარტოფილი, რითაც შეინარჩუნებთ არა მარტო კალიუმს, არამედ სხვა მიკროელემენტებიც.

2. არ შეინახოთ გათლილი კარტოფილი წყალში.

3. არ შეურიოთ თქვენს რაციონში ერთდროულად კარტოფილი და ცხიმები, მაგალითად არ შეწვათ კარტოფილი კარაქში.